Актрыса Вера Палякова, жонка міністра замежных спраў Беларусі Уладзіміра Макея, стала дырэктарам Тэатра юнага гледача. Сёння яе прадставілі калектыву.
Пра гэта Zerkalo.io на ўмовах ананімнасці паведамілі акцёры тэатра. Вера Палякова змяніла на гэтай пасадзе Уладзіміра Савіцкага, звольненага ў студзені гэтага года.
У канцы сакавіка 2022-га Палякова паведаміла ў інтэрв'ю на Першым канале Беларускага радыё, што ёй прапанавалі ўзначаліць ТЮГ.
Актрыса тады анансавала, што тэатр адмовіцца ад працы выключна на беларускай мове:
«У нас у краіне дзве дзяржаўныя мовы. Упірацца толькі ў беларускую мову — гэта губляць частку гледачоў, гасцей горада. Бо да нас прыязджаюць госці, тыя ж расіяне, якія, на жаль, не ведаюць беларускай мовы. Чаму мы губляем гэтага гледача?
У нас ёсць Купалаўскі, які працуе толькі на беларускай мове. Тэатр рэспубліканскай драматургіі (РТБД), які працуе толькі на беларускай мове. <…>. Мы гэтым самым бяднеем.
Я лічу, спектаклі павінны быць на дзвюх мовах: і на беларускай, і на рускай. Тады ў тэатра ёсць камерцыйная гісторыя.
(… ) Дзяржава заўсёды працягне нам руку дапамогі, але мы не павінны сядзець на гэтай прышчэпцы. Мы павінны навучыцца самі зарабляць грошы. Мне здаецца, мы самі ад гэтага будзем ганарыцца, што зможам самі зарабляць грошы», — казала тады Палякова.
У Беларусі дзейнічаюць 29 прафесійных тэатраў. З іх выключна на беларускай мове на гэты момант працуюць шэсць: Купалаўскі, РТБД, ТЮГ, Коласаўскі і Беларускі тэатр «Лялька» (абодва апошнія знаходзяцца ў Віцебску), а таксама Беларускі паэтычны тэатр аднаго акцёра «Зніч».
175 тысяч беларусаў эмігравалі ці выехалі на працу ў ЕС у 2024-м. Найбольш у Польшчу, а Германію здагнала Іспанія1
175 тысяч беларусаў эмігравалі ці выехалі на працу ў ЕС у 2024-м. Найбольш у Польшчу, а Германію здагнала Іспанія
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове11
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове1
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Каментары