З канала РТР у знак пратэсту супраць вайны з Украінай звольніўся вядомы шоўмэн Аляксандр Гурэвіч
Аляксандр Гурэвіч, мастацкі кіраўнік і вядучы забаўляльнай праграмы «Сто к адному», якая выходзіла на галоўным расійскім дзяржаўным канале з 1998 года, звольніўся з працы, зрабіўшы заяву з нагоды таго, што цяпер адбываецца ва Украіне. Пра гэта паведамляюць расійскія СМІ.
«Сёння я хачу сказаць пра вайну. Таму што гэтыя дні ні аб чым іншым гаварыць і думаць не атрымліваецца. Жах і адчуванне бяссілля! — напісаў Гурэвіч у каментарах да сваіх праграм у YouTube.
Шоўмэн расказаў пра сваіх сваякоў, якія жылі ва Украіне і ўжо памерлі.
«Нашых бацькоў, якія перажылі тую страшную вайну, ужо няма. Таму я кажу гэтыя словы за іх. Гэта мае словы: Гэтую вайну трэба спыніць! Спыніцеся! Лічу для сябе цалкам немагчымым весяліцца і жартаваць на фоне велізарнай трагедыі, не заўважаючы таго, што адбываецца», — сказаў Гурэвіч.
Ён патлумачыў, што ўсе выпускі перадачы, якія цяпер можна ўбачыць у эфіры, былі знятыя да пачатку вайны, і папрасіў прабачэнне за іх трансляцыю:
«Выбухі снарадаў, чалавечыя ахвяры, людзі, якія кідаюць дамы і ўцякаюць ад абстрэлаў… я прашу прабачэння ва ўсіх, для каго весялосць нашай перадачы, як і мне, здаецца ў гэтыя дні зусім недарэчнай».
Пасля гэтага выступлення Гурэвіча выпускі з яго праграмамі з афіцыйнага канала Youtube выдалілі.
Цяпер чытаюць
Жалезная заслона ў дзеянні: як зменшылася колькасць перасячэнняў мяжы Беларусі і Еўрасаюза за апошнія годы2
Каментары