Пашынян раскрытыкаваў АДКБ за дзеянні падчас вайны Арменіі з Азербайджанам
Прэм'ер-міністр Арменіі Нікол Пашынян на саміце АДКБ у Маскве раскрытыкаваў дзеянні блока падчас канфлікту Арменіі з Азербайджанам у 2020 годзе.
Па словах Пашыняна, Арменія папрасіла дапамогі ў АДКБ, але рэакцыі не было.
Акрамя таго, Арменія прасіла не прадаваць зброю Азербайджану, з якім ваявала, але гэтая просьба таксама была праігнараваная з боку саюзнікаў па АДКБ.
Аднак Пашынян падзякаваў Расіі за дапамогу ў спыненні баявых дзеянняў у Карабаху.
Лукашэнка таксама раскрытыкаваў АДКБ за адсутнасць адзінства.
«Паглядзіце, як маналітна галасуе і дзейнічае Еўрапейскі саюз, наколькі ў іх моцная ўнутрыблокавая дысцыпліна. Яна распаўсюджваецца аўтаматычна нават на тых, хто не згодны з рашэннямі, якія прымаюцца. Паўстае пытанне, хто нам перашкаджае выкарыстоўваць гэты блокавы рэсурс. Вось тут з іх нам трэба браць прыклад. Паасобку нас проста раздушаць і разарвуць», — сказаў ён.
Цяпер чытаюць
Што здарылася з Мікітам Мелказёравым, які раптоўна памёр ноччу?30
Каментары