Міністэрства аховы здароўя ацэньвае рызыку завозу воспы малпаў у Беларусь як нізкую з-за таго, што наша краіна цяпер не мае авіязносін з большасцю краін свету. Але санітарна-каранцінны кантроль на межах усё ж вырашылі ўзмацніць.
«Дадаткова праводзіцца навучанне медработнікаў дыферэнцыяльнай дыягностыцы захворвання. Спецыялістамі РНПЦ эпідэміялогіі і мікрабіялогіі вядзецца распрацоўка тэст-сістэмаў для своечасовай дыягностыкі захворвання», — гаворыцца ў паведамленні Міністэрства аховы здароўя.
Медыкі таксама рэкамендуюць людзям, якія наведваюць эндэмічныя па воспе малпаў афрыканскія краіны, не кантактаваць там з прыматамі і грызунамі, а ў ежу ўжываць толькі старанна прыгатаваныя прадукты жывёльнага паходжання.
Пры кантакце з людзьмі, якія прыбылі з краін, дзе фіксавалі выпадкі воспы малпаў і маюць сімптомы, падобныя на сімптомы рэспіраторнай інфекцыі, рэкамендуецца карыстацца маскай і захоўваць гігіену рук.
Таксама Міністэрства аховы здароўя адзначае, што ад воспы малпаў няма спецыяльнай вакцыны, але дзякуючы таму, што раней праводзілася масавая вакцынацыя ад натуральнай воспы, у нашых людзей створана значная імунная праслойка, якая можа дапамагчы купіраваць распаўсюджванне захворвання.
У чым прычына незадаволенасці жыхароў мікрараёна Лебядзіны ў Мінску? Вось што насамрэч там планавалі будаваць6
Каментары