Польшча з ліпеня пачне прымаць заявы на гуманітарныя візы і ВНЖ
З ліпеня Польшча пачне прыём заяў на гуманітарныя візы і віды на жыхарства, паведаміў Цэнтр беларускай салідарнасці.
Адносна гуманітарных відаў на жыхарства ў МУС Польшчы растлумачылі, што ў дадзены момант вядзецца заканатворчая праца над пастановай міністра ўнутраных спраў у дачыненні да грамадзян, якія будуць мець права хадайнічаць аб наданні дазволу на часовае знаходжанне (ВНЖ), прадугледжанага ў арт. 186, ч. 1, п. 9 Закона аб іншаземцах (так званы «гуманітарны від на жыхарства»). Цяпер завяршаецца этап міжведамасных кансультацый.
Тое ж тычыцца і пастановы міністра ўнутраных спраў аб гуманітарных візах, з дапамогай якой будуць унесеныя змены ў пастанову аб візах для іншаземцаў. У цяперашні час вядуцца ўнутраведамасныя ўзгадненні.
Завяршэнне працы над гэтымі дакументамі, а таксама іх афіцыйнае апублікаванне запланаваныя на канец чэрвеня. Уступленне гэтых пастаноў у законную сілу наступіць пасля заканчэння 14 дзён з моманту іх апублікавання.
«Важна адзначыць, што ў пастанове ўжо пазначаная катэгорыя «грамадзяне Беларусі», гэта азначае, што ўсе беларусы змогуць хадайнічаць аб атрыманні гуманітарных візаў і відаў на жыхарства», — падкрэслілі ў ЦБС.
-
«Я была як пад гіпнозам». Рэальныя гісторыі мінчукоў, якіх махляры прымусілі прадаць кватэры — адна сумная, другая амаль шчаслівая
-
У злітых файлах Эпштэйна ўсплыла яшчэ адна беларуска, мадэль і жонка футбаліста — расказваем, што пра яе вядома
-
«У вас ёсць любімая песня?» Знаёмцеся з Максатам — самым вядомым стрыт-відэографам Мінска
Цяпер чытаюць
Вясковец з-пад Бабруйска імітаваў сваю смерць, каб не плаціць пазыкі, а пасля загінуў на вайне за Расію2
Вясковец з-пад Бабруйска імітаваў сваю смерць, каб не плаціць пазыкі, а пасля загінуў на вайне за Расію
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары