Грамадства

Шуневіч прапануе забіраць зброю ў паляўнічых, незалежных ад падкантрольных дзяржаве арганізацый

Кіраўнік Беларускага таварыства паляўнічых і рыбаловаў (БТПР) Ігар Шуневіч прапануе не выдаваць зброю людзям, якія «па вызначэнні» не з'яўляюцца паляўнічымі і захоўваюць зброю для іншых мэтаў. Пра гэта ён заявіў у праграме «Размова ў прэзідэнта» на тэлеканале «Беларусь 1», піша Reform.by.

«Праблема, на мой погляд, сёння стаіць у тым, што значная частка зброі, паляўнічай зброі, якая знаходзіцца на руках у грамадзян нашых і не выкарыстоўваецца па прамым прызначэнні, гэта значыць не з'яўляецца прыладай у руках паляўнічага, знаходзіцца ў сейфах, захоўваецца з рознымі мэтамі акрамя як мэтаў палявання, для чаго яна і набывалася.

Усе яны маюць дзяржаўнае пасведчанне на права палявання, але паляўнічымі па азначэнні не з'яўляюцца. І дзе і кім будзе выкарыстаная гэтая зброя, акрамя як на законных падставах, а законнай падставай з'яўляецца толькі паляванне і захоўванне з мэтай палявання, я баюся, што розныя бываюць варыянты і розныя выпадкі, у тым ліку трагічныя, якія мы з вамі ведаем», — заявіў Шуневіч.

Шуневіч прапануе даваць дазвол на набыццё зброі толькі тым людзям, якія ўдзельнічаюць у дзейнасці першасных арганізацый паляўнічых, напрыклад БТПР.

«Таму была прапанова і яна застаецца маёй прапановай, каб вярнуцца да старой сістэмы ўдзелу тых людзей, якія хочуць паляваць, у першаснай паляўнічай арганізацыі, няхай гэта будзе БТПР, няхай гэта будзе «Дынама», мы не эксклюзіўныя ў гэтым пытанні.

І толькі пасля таго, калі ты пройдзеш усе фармальнасці або перашкоды, якія існуюць для таго, каб стаць паляўнічым, жадаючы ім быць, толькі пасля гэтага ты маеш права набыць зброю. Роўна як ты можаш страціць права на зброю, калі ты выйдзеш з гэтага таварыства», — падзяліўся ідэямі Шуневіч.

Як растлумачыў Шуневіч, у Беларусі больш за 90 тысяч грамадзян маюць права на паляванне, з якіх актыўнымі паляўнічымі з'яўляюцца каля 43%, гэта значыць каля 38 тысяч чалавек. Пры гэтым на руках у грамадзян знаходзіцца больш за 114 тысяч адзінак зброі.

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Трамп ухваліў план атакі на Іран, але пакуль устрымліваецца ад загаду

Трамп ухваліў план атакі на Іран, але пакуль устрымліваецца ад загаду

Усе навіны →
Усе навіны

Фардо — галоўны ядзерны аб’ект Ірана. Што пра яго вядома?5

На Камароўцы з'явіліся першыя чарніцы

Гомельскі бізнэсовец-лукашыст, які ваюе за Сталіна, напісаў данос сам на сябе4

18-гадовай мінчанцы падалося, што на яе напалі, вывезлі ў лес і адабралі грошы1

У Беларусі вырашылі не забараняць вэйпы — бо на іх ёсць «пэўны спажывецкі попыт»1

У Берліне паказалі оперу пра ПВК «Вагнер». У пастаноўцы ўдзельнічае і беларуская спявачка2

У Мінску паставілі бронзавы помнік качцы, якая летась стала любіміцай сталіцы2

Пяцёра школьнікаў у Слоніме разграмілі будынак былой школы

На мужчыну ў Лунінцы ўпала шпакоўня, у яго цяжкія цялесныя пашкоджанні

больш чытаных навін
больш лайканых навін

Трамп ухваліў план атакі на Іран, але пакуль устрымліваецца ад загаду

Трамп ухваліў план атакі на Іран, але пакуль устрымліваецца ад загаду

Галоўнае
Усе навіны →

Заўвага:

 

 

 

 

Закрыць Паведаміць