Šunievič prapanuje zabirać zbroju ŭ palaŭničych, niezaležnych ad padkantrolnych dziaržavie arhanizacyj
Kiraŭnik Biełaruskaha tavarystva palaŭničych i rybałovaŭ (BTPR) Ihar Šunievič prapanuje nie vydavać zbroju ludziam, jakija «pa vyznačeńni» nie źjaŭlajucca palaŭničymi i zachoŭvajuć zbroju dla inšych metaŭ. Pra heta jon zajaviŭ u prahramie «Razmova ŭ prezidenta» na telekanale «Biełaruś 1», piša Reform.by.
«Prablema, na moj pohlad, siońnia staić u tym, što značnaja častka zbroi, palaŭničaj zbroi, jakaja znachodzicca na rukach u hramadzian našych i nie vykarystoŭvajecca pa pramym pryznačeńni, heta značyć nie źjaŭlajecca pryładaj u rukach palaŭničaha, znachodzicca ŭ siejfach, zachoŭvajecca z roznymi metami akramia jak metaŭ palavańnia, dla čaho jana i nabyvałasia.
Usie jany majuć dziaržaŭnaje paśviedčańnie na prava palavańnia, ale palaŭničymi pa aznačeńni nie źjaŭlajucca. I dzie i kim budzie vykarystanaja hetaja zbroja, akramia jak na zakonnych padstavach, a zakonnaj padstavaj źjaŭlajecca tolki palavańnie i zachoŭvańnie z metaj palavańnia, ja bajusia, što roznyja byvajuć varyjanty i roznyja vypadki, u tym liku trahičnyja, jakija my z vami viedajem», — zajaviŭ Šunievič.
Šunievič prapanuje davać dazvoł na nabyćcio zbroi tolki tym ludziam, jakija ŭdzielničajuć u dziejnaści pieršasnych arhanizacyj palaŭničych, naprykład BTPR.
«Tamu była prapanova i jana zastajecca majoj prapanovaj, kab viarnucca da staroj sistemy ŭdziełu tych ludziej, jakija chočuć palavać, u pieršasnaj palaŭničaj arhanizacyi, niachaj heta budzie BTPR, niachaj heta budzie «Dynama», my nie ekskluziŭnyja ŭ hetym pytańni.
I tolki paśla taho, kali ty projdzieš usie farmalnaści abo pieraškody, jakija isnujuć dla taho, kab stać palaŭničym, žadajučy im być, tolki paśla hetaha ty maješ prava nabyć zbroju. Roŭna jak ty možaš stracić prava na zbroju, kali ty vyjdzieš z hetaha tavarystva», — padzialiŭsia idejami Šunievič.
Jak rastłumačyŭ Šunievič, u Biełarusi bolš za 90 tysiač hramadzian majuć prava na palavańnie, ź jakich aktyŭnymi palaŭničymi źjaŭlajucca kala 43%, heta značyć kala 38 tysiač čałaviek. Pry hetym na rukach u hramadzian znachodzicca bolš za 114 tysiač adzinak zbroi.
-
«Miakka kažučy, mianie tresła». Biełaruska atrymała rachunki na 40 tysiač jeŭra za čatyry dni ŭ šviejcarskaj balnicy
-
«Atrymlivajem abryŭki infarmacyi, u nas niama suviazi». Siastra Maryi Kaleśnikavaj raskazała apošnija naviny pra jaje
-
Vatykan zaprasiŭ Śviatłanu Cichanoŭskuju na pachavańnie Papy Franciška
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1313
Kamientary