Старонка ў Інстаграме галоўнага рынка краіны паведаміла, што «гэта здарылася», і цэны клубніцы апусціліся да 3 рублёў за кілаграм. Ягад на рынку ўжо вельмі шмат.
3 рублі — гэта найніжэйшая планка. Але цэны на найлепшую ягаду сягаюць нават 9 рублёў.
У каментарыях людзі мяркуюць, што клубніцы па 3 рублі будуць не надта смачныя, і дзеляцца сваім непрыемным досведам.
«Была ў суботу, клубніцы былі па 8 рублёў жудасна нясмачныя, купляла па 13 рублёў у адной дзяўчыны — вельмі смачныя».
«Па 8 рублёў — вадзяністыя і кіслыя, ніякага водару клубніц, праз дзень зацвілі…»
«Слухайце, як так можа быць? Глядзела карцінкі, дзе клубніцы на Камароўцы па 4—5 руб. Прыехала ў нядзелю — яны там ад 7 і вышэй. Па 7 самыя наогул ніякія. Мокрыя і кіслыя. І вось зноў. Быццам яны там спелыя, сакавітыя і танныя. Можа, гэта ролікі мінулага года?))))»
«Шкада далёка ехаць, а так бы па твары дала гэтымі 2 кг суперсалодкіх клубніц па 12 рублёў за кг….такія кіслыя, што скулы зводзіць».
«На выхадных цэны заўсёды падымаюць. Лепш на Камароўку ў будныя дні. Там у разы танней. Я сама так раблю», — дзеляцца меркаваннямі пакупнікі.
Цяпер чытаюць
Святлана Ціханоўская завяла трэдс. Што ёй пішуць беларусы?2
Каментары