«Psichałahičnaja miaža projdzienaja». Pačym kłubnicy na Kamaroŭcy
Staronka ŭ Instahramie hałoŭnaha rynka krainy paviedamiła, što «heta zdaryłasia», i ceny kłubnicy apuścilisia da 3 rubloŭ za kiłahram. Jahad na rynku ŭžo vielmi šmat.
3 rubli — heta najnižejšaja płanka. Ale ceny na najlepšuju jahadu siahajuć navat 9 rubloŭ.
U kamientaryjach ludzi miarkujuć, što kłubnicy pa 3 rubli buduć nie nadta smačnyja, i dzielacca svaim niepryjemnym dośviedam.
«Była ŭ subotu, kłubnicy byli pa 8 rubloŭ žudasna niasmačnyja, kuplała pa 13 rubloŭ u adnoj dziaŭčyny — vielmi smačnyja».
«Pa 8 rubloŭ — vadzianistyja i kisłyja, nijakaha vodaru kłubnic, praź dzień zaćvili…»
«Słuchajcie, jak tak moža być? Hladzieła karcinki, dzie kłubnicy na Kamaroŭcy pa 4—5 rub. Pryjechała ŭ niadzielu — jany tam ad 7 i vyšej. Pa 7 samyja naohuł nijakija. Mokryja i kisłyja. I voś znoŭ. Byccam jany tam śpiełyja, sakavityja i tannyja. Moža, heta roliki minułaha hoda?))))»
«Škada daloka jechać, a tak by pa tvary dała hetymi 2 kh supiersałodkich kłubnic pa 12 rubloŭ za kh….takija kisłyja, što skuły zvodzić».
«Na vychadnych ceny zaŭsiody padymajuć. Lepš na Kamaroŭku ŭ budnyja dni. Tam u razy tańniej. Ja sama tak rablu», — dzielacca mierkavańniami pakupniki.
Kamientary