Вядомая журналістка напісала ў сябе ў Фэйсбуку, што ў яе рак.
«У мяне рак. Так што сёння пачынаецца і мая асабістая вайна. Гэта быў найцяжэйшы месяц чакання пацвярджэння і абследаванняў, месяц прывіднай надзеі на цуд, што ўсё ж не… Але цуду не здарылася… Я ўсё жыццё ведала, што так, хутчэй за ўсё, будзе. Усё ж такі пяць выпадкаў раку грудзей па мамінай лініі…
І я рыхтавалася да гэтага. Напярэдадні рэвалюцыі я праходзіла кансультацыі і абследаванні, каб прэвентыўна выдаліць грудзі (падвойная прэвентыўная мастэктамія, як у Анжаліны Джалі), але не паспела…
Прыйшлося з'язджаць, а тут у мяне доўгі час не было статусу, які дазваляў бы гэта зрабіць. І вось вынік. Ніякіх сімптомаў у мяне не было, выявіла падчас звыклага самаабследавання. Заўсёды шукаю нешта добрае ва ўсёй жэсці, што адбывалася са мной у жыцці, знайшла і тут.
Я рада, што я тут, а не ў Беларусі, улічваючы, якія цяпер у краіне чысткі ў сістэме аховы здароўя.
Так што ўсё выявілася ў вельмі правільным месцы і ў правільны час, калі ў мяне ўжо з'явілася страхоўка… а гэта ўжо нямала.
У мяне другая стадыя, на шчасце метастазаў не знайшлі, і пухліна не агрэсіўная, так што шанцы добрыя. Што тут яшчэ скажаш… Я спадзявалася, што гэты грэбаны серыял з бясконцымі выпрабаваннямі ў маім жыцці скончыўся, але не.
Так што ў чарговы раз уключаю сталёвыя яйкі. Ну а далей як і з нашай перамогай — рабі, што можаш, там, дзе ты ёсць. Так і пераможам», — напісала Кацярына.
Чытайце таксама:
«Баліць — трындзец як». Ваданосава распавяла пра аперацыю і цяперашнюю рэабілітацыю
Цяпер чытаюць
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь9
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7777
Каментары
Ніхто не павінен хварэць!