Македонец правёў 18 гадзін у адкрытым моры, трымаючыся за надзіманы мячык
11 ліпеня ратавальнікі з Грэцыі знайшлі ў адкрытым моры раней зніклага турыста з Паўночнай Македоніі. Мужчына правёў у вадзе больш за 18 гадзін. Пратрымацца яму дапамог мяч, які выпадкова праплываў міма яго, пераадолеўшы перад тым каля 130 кіламетраў.
30-гадовы Іван адпачываў на пляжы паўвострава Касандра ў Грэцыі, калі яго і яшчэ двух мужчын знесла ў мора моцнай хваляй. Паводле інфармацыі ратавальнікаў, Івану ўдалося ўтрымацца на вадзе, але супраціўляцца адліўнай плыні ён не змог і неўзабаве апынуўся ў адкрытым моры.
Сябры турыстаў паведамілі пра знікненне мужчын у службу выратавання, але ёй, каб прыйсці на дапамогу, спатрэбіўся час.
Каля Івана ж, які апынуўся ў крытычнай сітуацыі, праплываў каляровы надзіманы мячык. І хоць ён, па словах македонца, быў напалову садзьмутым, гэта ўсё адно дапамагло яму пратрымацца на вадзе амаль 19 гадзін, пакуль зніклага турыста не адшукалі ратавальнікі. Таксама яны знайшлі яшчэ аднаго мужчыну, а вось трэцяга сябра знайсці пакуль не ўдалося — ён усё яшчэ лічыцца зніклым без вестак.
Гісторыю шырока асвятлялі грэчаскія СМІ, і ў нейкі момант на сюжэт пра Івана на мясцовым тэлебачанні наткнулася мама хлопчыкаў, якія згубілі мяч. Яна пазнала цацку і паведаміла, што яе дзеці, 11-гадовы Трыфан і шасцігадовы Танос, страцілі мячык 30 чэрвеня, гуляючы на востраве Лемнас.
Лемнас знаходзіцца прыкладна за 130 кіламетрах ад месца выратавання турыста, але за паўтара тыдні мяч аднесла плынню на захад, бліжэй да паўвострава.
Пратасевіч зноў жэніцца — цяпер з таролагам Настассяй, якая працавала ў элітным медцэнтры «Мерсі»40
Каментары
зачем на фото такой фотошоп?