У Слуцку адшукалі сукенку з мемаў, пра колер якой спрачаўся ўвесь свет. Яна насамрэч чорна-сіняя
Чытачка «Кур'ера» са Слуцка падзялілася здымкам сукенкі, якая прадаецца ў адным з сэканд-хэндаў Слуцка. Гэта тая самая сукенка з фота, пра колер якой (сіняя з чорным ці белая з залатым) у 2015 годзе спрачаўся ўвесь свет.
У «Вікіпедыі» нават ёсць артыкул пра феномен сіне-чорнай сукенкі.
Сіне-чорная сукенка — інтэрнэт-феномен і мем, які ўзнік пасля таго, як 26 лютага 2015 года ў сацыяльнай сетцы Tumblr было апублікавана фота карункавай сукенкі дызайнера Roman Originals. Фактычна адразу завязалася гарачая спрэчка адносна таго, якога колеру сукенка на фота: сіняя з чорнымі палоскамі ці белая з залатымі. Пасля было высветлена, што сукенка насамрэч сіняга і чорнага колераў, аднак дыскусіі адносна таго, якія колеры бачаць розныя карыстальнікі, працягваліся на многіх форумах. Феноменам зацікавіліся нейрабіёлагі, якія высветлілі, што прычына заключаецца ў аптычнай ілюзіі з-за няправільнай святлоаддачы, збольшага з-за таго, што здымак быў апрацаваны.
Пасля таго як фота стала папулярным, многія зацікавіліся набыццём такіх сукенак, і іх продаж павялічыўся ў некалькі разоў. Вось адна і «даехала» да Слуцка.
«У Віцебску заходзіў у тралейбус і казаў «Слава Украіне!». Украінца ў 67 гадоў пасадзілі за каменты, напісаныя пасля гібелі хроснай дачкі пад абстрэлам у Кіеве7
Каментары