CBS выдаліла дакументальны фільм, які выклікаў крытыку ўкраінскіх уладаў і шэрагу заходніх экспертаў
У фільме прыводзіліся словы кіраўніка аднаго з прыватных фондаў дапамогі Украіне. Той заявіў, што толькі 30-40% паставак, якія ідуць праз украінскую мяжу, дасягаюць канчатковага атрымальніка.
У паведамленні кампаніі гаворыцца, што фільм адлюстроўвае састарэлыя звесткі і будзе перапрацаваны.
У фільме прыводзіліся словы кіраўніка аднаго з прыватных фондаў дапамогі Украіне. Той заявіў, што толькі 30-40% паставак, якія ідуць праз украінскую мяжу, дасягаюць канчатковага атрымальніка.
Ён казаў пра досвед свайго фонду на момант запісу інтэрв'ю ў красавіку. Але з кантэксту фільма складаецца адчуванне, што гаворка ідзе аб узбраеннях краін НАТА, якія выдзяляюцца на дзяржаўным узроўні проста цяпер.
Сярод іншых спікераў у фільме — экспертка Amnesty International, якая працавала над дакладам, які абвінаваціў УСУ ў небяспечных для мірных жыхароў метадах вядзення вайны.
Гэты даклад выклікаў шквал крытыкі з Кіева і ад экспертаў па міжнародным праве, якія ўбачылі ў ім няправільнае тлумачэнне законаў вайны і «хлуслівы баланс» — спробу параўнаць дзеянні акупанцкай расійскай арміі і ўкраінскай, якая абараняецца.
«Вы ўвялі ў зман велізарную аўдыторыю, распаўсюджваючы непацверджаныя заявы і руйнуючы давер да паставак жыццёва важнай вайсковай дапамогі краіне, якая супраціўляецца агрэсіі і генацыду», — так пракаментаваў фільм CBS кіраўнік МЗС Украіны Дзмітрый Кулеба.
Цяпер чытаюць
Беларус раптоўна і без дай прычыны знік у 2006 годзе, а праз 19 гадоў знайшоўся ў вёсцы пад Смаленскам2
Каментары