Патрыярх Маскоўскі: Незалежнасць Беларусі — «задума і Божага промыслу»
Пры гэтым ён настойліва заклікаў да захавання адзінства Праваслаўнай царквы.
Беларусь — родная для нас зямля, частка святой гістарычнай Русі, заявіў па прылёце патрыярх.
25 верасня пачаўся ягоны першы візіт у Беларусь у якасці кіраўніка Рускай праваслаўнай царквы (РПЦ), які будзе працягвацца па 28 верасня.
Патрыярх зазначыў, што прыбыў у Беларусь «з вельмі лёгкім сэрцам», «і яркае сонечнае святло ў гэты восеньскі дзень» адпавядае яго ўнутранаму стану.
«Я прыбыў у першую чаргу для таго, каб пакланіцца святыням беларускай зямлі, мець магчымасць размаўляць з епіскапатам, духавенствам і вернікамі. Я надаю вялікае значэнне дыялогу, які ў нас устанавіўся, гутарцы з прэзідэнтам Беларусі і спадзяюся, што мы працягнем гэтую размову з Аляксандрам Рыгоравічам.Спадзяюся на сустрэчы з прадстаўнікамі грамадскасці, ведаю аб тым, што ў Віцебску са мною хацела б сустрэцца моладзь», — сказаў кіраўнік РПЦ.
«Праграма дастаткова напружаная, аднак у поўнай меры адпавядае маім жаданням. Спадзяюся, што ў выніку наведвання Беларусі я шмат убачу, даведаюся, адчую, што так неабходна мне як патрыярху ў маім служэнні», — дадаў уладыка Кірыл.
Ён зазначыў, што Беларусь — суверэнная дзяржава, якая дастаткова дынамічна развіваецца. Кіраўнік РПЦ таксама назваў «вельмі высокім» узровень адносінаў царквы і дзяржавы ў Беларусі.
Ён прызнаў, што
«гістарычная Русь падзеленая на суверэнныя дзяржавы, так захацеў народ, і, мусіць, такая задума і Божага промыслу».Пры гэтым ён настойліва заклікаў да захавання адзінства Праваслаўнай царквы. «Калі ўслед за з'яўленнем суверэнных дзяржаваў будзе бурыцца адзінства царквы - от тады мы чыніцьмем ліхую й Богу няўгодную справу».
25 верасня патрыярх сустрэўся з Аляксандрам Лукашэнкам, наведаў мінскі Свята‑Духавы кафедральны сабор, дзе адслужыў невялікі малебен, а таксама наведаў разам з Лукашэнкам храм‑помнік у гонар Усіх Ссвятых, што будуецца. Там яго сустракалі каля 10 тысяч вернікаў, у тым навучэнцаў, сабраных з раённых школаў.
Вечарам у Палацы Рэспублікі пройдзе ўрачысты вечар, падчас кіраўнік РПЦ сустрэнецца з навуковай і творчай інтэлігенцыяй, прадстаўнікамі царкоўнай і свецкай грамадскасці. Затым будзе дадзены святочны канцэрт.
26 верасня Уладыка Кірыла плануе сустрэцца з супрацоўнікамі Мінскага епархіяльнага упраўлення Беларускай праваслаўнай царквы і наведаць Інстытут тэалогіі БДУ.
У той жа дзень ён ускладзе вянок да манумента на плошчы Перамогі і наведае мінскі Дом міласэрнасці.
Затым патрыярх накіруецца ў Полацк,
дзе наведае Свята‑Крыжаўзвіжанскі храм Свята‑Еўфрасіннеўскага жаночага манастыра, дзе адправіць святочную ранішнюю службу і здзейнісць чын Узвышэння Крыжа.
27 верасня ў тым жа саборы ўладыка Кірыла адправіць літургію, а затым наведае сабор Святой Сафіі.
А 16‑й у нядзелю кіраўнік РПЦ плануе прыбыць у Віцебск. Патрыярх ускладзе кветкі да мемарыяльнага крыжа на месцы гібелі ў віцебскім канцлагеры 180 тыс. ахвяр нацызму. Пасля гэтага з яго ўдзелам адбудзецца малебен ў Свята‑Пакроўскім кафедральным саборы.
Праграма візіту кіраўніка РПЦ у Беларусь завершыцца раніцай 28 верасня (панядзелак) сустрэчай з моладдзю ў Летнім амфітэатры, па яе завяршэнні патрыярх мае намер сустрэцца з журналістамі. З Віцебска ўладыка Кірыла вернецца ў Маскву.
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім12
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3333
Каментары