Расійская геолагаразведка на 70% залежыць ад абсталявання заходніх краін, паведаміў кіраўнік Федэральнага агенцтва па нетракарыстанні Яўген Пятроў. Паводле яго слоў, гэта адна з асноўных праблем, якая «была і застаецца».
Чыноўнік таксама прызнаў моцную залежнасць галіны ад замежных тэхналогій у частцы мікраэлектронікі і праграмнага забеспячэння. Што тычыцца фізічнага абсталявання для геолагаразведкі, то кіраўнік Раснетраў расказаў пра наяўнасць «вельмі добрых айчынных аналагаў». Аднак для іх таксама выкарыстоўвалася замежная мікраэлектроніка і кампанентная база, якую Расія страціла праз санкцыі.
Аналагі неабходнага геолагаразведачнага абсталявання краіна атрымае толькі праз 1—1,5 года. Пры гэтым у арктычных рэгіёнах да выкарыстання расійскай тэхнікі «многія пакуль ставяцца з асцярогай», бо «не заўсёды дацягвае якасць і сэрвіснае абслугоўванне», а гэта пагражае аварыямі, дадаў Пятроў.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам15
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2525
Каментары