«Навошта вы падпісаліся на «Пул Першага?» У Віцебску вынесены новы прысуд
Суд Першамайскага раёна Віцебска 14 верасня асудзіў Яўгена Гукава, абвінавачанага ў абразе Лукашэнкі (ч. 1 арт. 368 Крымінальнага кодэкса) і абразе прадстаўніка ўлады (арт. 369 Крымінальнага кодэкса), паведамляе «Вясна».
Справу разглядаў суддзя Міхаіл Юрчанка, дзяржабвінававаўца — памочнік пракурора Віцебска Антон Ананенка.
Яўген быў затрыманы 20 чэрвеня і да суда змешчаны ў СІЗА г. Віцебска.
Па матэрыялах абвінавачання, работнік прадпрыемства «Альянс-пластык» Яўген Гукаў з 20 кастрычніка па 20 лістапада 2020 года шматразова ў тэлеграм-чатах «Вуліца Гагарына» і «Віцебск-97» размяшчаў відэаролік выступу Аляксандра Лукашэнкі на канале «Пул Першага», які суправаджаў «абразлівымі і нецэнзурнымі каментарыямі, з выкарыстаннем ненарматыўнай формай маўленчага выказвання».
«А навошта вы падпісаліся на канал «Пул Першага»? З якой мэтай?» — дапытваўся суддзя ў абвінавачанага.
Таксама 28 кастрычніка ў адным з тэлеграм-каналаў Гукаў нібыта абразіў былога міністра ўнутраных спраў Юрыя Караева.
Падчас допыту ў судзе Яўген патлумачыў, што ў 2021 годзе быў двойчы прыцягнуты да адміністрацыйнай адказнасці паводле арт. 19.11 КаАП, быў аштрафаваны, а летам 2021 года свой тэлефон наўмысна ўтапіў у Дзвіне.
Сваю віну ў судзе Гукаў прызнаў цалкам.
У суд прадстаўленыя станоўчыя характарыстыкі з месца працы і жыхарства.
Абвінавачанне запрасіла для Гукава паводле арт. 369 Крымінальнага кодэкса абмежаванне волі з накіраваннем ва ўстанову адкрытага тыпу тэрмінам на два гады, паводле ч. 1 арт. 368 — два гады пазбаўлення волі ва ўмовах агульнага рэжыму. Па сукупнасці пакаранняў канчаткова прызначыць два гады пазбаўлення волі ў калоніі агульнага рэжыму.
Суд пастанавіў прызнаць Яўгена Гукава вінаватым і прызначыў яму пакаранне ў выглядзе пазбаўлення волі тэрмінам на адзін год і 10 месяцаў у калоніі агульнага рэжыму.
-
Аргенцінец закахаўся ў беларуску і пераехаў на хутар пад Маладзечнам
-
Беларус спазніўся на самалёт з Дубая і просіць кампенсацыю. Тураператар кажа, што ён сам вінаваты
-
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»13
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць99
Каментары