У Баранавічах ў СІЗА змясцілі беларуску, якая жыве ў Андоры і час ад часу прыязджала ў Беларусь
Брэсцкі дзяржканал апублікаваў відэа з Вольгай Манкевіч. 37-гадовую ўраджэнку Баранавічаў затрымалі 22 жніўня 2022 года на вакзале, калі яна ў чарговы раз прыехала ў Беларусь з Андоры, звярнула ўвагу «Вясна. Брэст». Ёй інкрымінуюць абразу Лукашэнкі. У Андоры ў яе засталіся муж і сын.
У відэа сама Вольга распавяла, што ў жніўні 2020 года палічыла, што выбары былі сфальсіфікаваныя. У Instagram падпісалася на старонку «Nexta», адкуль рабіла скрыншоты і выкладвала на свой старонцы, рабіла каментары.
Падчас яе прыезду ў Беларусь, яе затрымалі і змясцілі ў СІЗА. У Беларусі ў дзяўчыны няма блізкіх сваякоў, яна прыязджала наведаць знаёмых і магілу маці, якая памерла ў 2018 годзе.
У відэа яна просіць прабачэння ў мужа, якога яна, паводле яе фармулёўкі, «кінула адных з сынам» праз неабдуманныя дзеянні.
У роліку яна прызнаецца ў любові да Беларусі і кажа, што радая, што ў яе беларускі пашпарт.
Прадстаўніца пракуратуры Іна Данільчык сказала, што жанчыне прадʼяўленыя абвінавачванні па ч. 1 арт. 368 КК РБ (Абраза прэзідэнта Беларусі).
Цяпер чытаюць
Інжынера-канструктара з упраўлення «Пеленга», якое робіць тэхніку для расійскага войска, асудзілі па палітычных артыкулах2
Каментары