У Расіі знойдзены вірус, які можа заражаць людзей і на які не дзейнічаюць вакцыны ад кавіду
Пасля з’яўлення кавіду навукоўцы знайшлі яшчэ адзін дагэтуль невядомы вірус. Яго выявілі ў кажаноў у Расіі, ён здольны заражаць людзей, і, хаця і належыць да каранавірусаў, на яго не дзейнічаюць антыцелы і вакцыны супраць кавіду.
Новы вірус пад назвай Хоста-2 — гэта адзін з сарбекавірусаў, той жа катэгорыі, да якой належыць і вірус кавіду. Згодна з новай працай, апублікаванай у выданні PLoS Pathogens, Хоста-2 паказвае трывожныя рысы, піша Euronews.
Каманда пад кіраўніцтвам даследчыкаў з Універсітэта штата Вашынгтон высветліла, што новы вірус можа заражаць клеткі чалавека з дапамогай сваіх элементаў — шыпавідных бялкоў — тым жа чынам, як гэта робіць вірус кавіду. Навукоўцы называюць сарбекавірусы магчымай пагрозай для глабальнай аховы здароўя і для вакцынацыі супраць кавіду.
Вірусы Хоста-1 і Хоста-2 былі выяўленыя ў 2020 годзе ў кажаноў недалёка ад Сочы. Спачатку навукоўцы лічылі, што гэтыя вірусы не пагражаюць людзям, але зараз яны сцвярджаюць, што Хоста-1 і Хоста-2 могуць заражаць чалавечыя клеткі.
На шчасце, навукоўцы лічаць, што ў новых вірусаў няма некаторых генетычных элементаў, якія спрыяюць развіццю хваробы ў людзей. Але ёсць небяспека, што Хоста-2 можа аб’яднацца, напрыклад, з вірусам кавіду, і гэты новы вірус будзе здольны нанесці вялікую шкоду.
Навошта ўвогуле патрэбныя вірусы? Без іх нас магло б не быць
Хочаце менш хварэць? Эксперты назвалі кавідныя звычкі, якіх варта прытрымлівацца ўвесь час
Кавід шкодзіць мозгу. Тлумачым, як гэта адбываецца
Хрыста Грозеў: ад рамантыка-радыёаматара да чалавека, які выкрыў самыя змрочныя таямніцы ГРУ і ФСБ. Як яго вербавала спецслужба Люксембурга і як ён вымушаны хавацца цяпер
Каментары