З Беларусі ў Польшчу за апошнія суткі спрабаваў нелегальна трапіць 91 іншаземец
Гэта грамадзяне Шры-Ланкі, Эрытрэі і Судана, паведамляе Памежная ахова Польшчы.
Фота: twitter.com/Straz_Graniczna
Таксама затрыманыя яшчэ шэсць кур’ераў, якія перавозяць нелегальных мігрантаў ад мяжы ўглыб краіны. Гэта пяць украінцаў і беларус, якія падазраюцца ў садзейнічанні незаконнаму перасячэнню мяжы. Усяго яны перавозілі 24 чалавекі.
У ліпені і жніўні Польская памежная служба зафіксавала каля 900 спроб нелегальнага перасячэння беларуска-польскай мяжы. У верасні такіх спроб было амаль 1 300.
Кастрычнік пачаўся з рэкорднай колькасці за апошнія месяцы, бо ў мінулую суботу памежнікі зафіксавалі 120 спроб за адзін дзень. А з пачатку гэтага месяца іх ужо больш за 320.
Каментары