У Беларусі прызналі «экстрэмісцкімі» дзіцячую кнігу Іосіфа Бродскага і выданне «Айчына. Маляўнічая гісторыя»
У Рэспубліканскім спісе экстрэмісцкіх матэрыялаў з'явіліся новыя фігуранты: дзіцячая кніга «Балада пра маленькi буксiр» нобелеўскага лаўрэата Іосіфа Бродскага, выдадзеная ў выдавецтве «Янушкевiч» у гэтым годзе, і папулярнае выданне «Айчына: Маляўнiчая гiсторыя. Ад Рагнеды да Касцюшкi» аўтарства Уладзіміра Арлова і Паўла Татарнікава.
Адпаведнае рашэнне прынятае 18 кастрычніка судом Цэнтральнага раёна Мінска.
«Балада пра маленькi буксiр» была першай публiкацыяй нобелеўскага лаўрэата ў сябе на радзiме. У вершы для дзяцей буксiр распавядае пра сваё цiкавае жыццё i прызначэнне.
Першы наклад кнігі «Айчына: Маляўнiчая гiсторыя. Ад Рагнеды да Касцюшкi» ў 2017 годзе раскупілі за месяц.
Раней лукашэнкаўскія суды прызналі «экстрэмісцкімі» яшчэ дзве кнігі выдавецтва «Янушкевіч» — раман Альгерда Бахарэвіча «Сабакі Еўропы» і «Аграрная палiтыка нацыстаў у Заходняй Беларусi». У такіх выпадках ніколі ўцямна не тлумачаць, што ў той ці іншай кнізе «экстрэмісцкага».
Каментары