Пачалося з таго, што 57-гадоваму жыхару Маладзечна ў месенджар патэлефанаваў ілжэсупрацоўнік аднаго з «банкаў», які пацікавіўся ў маладзечанца, ці не губляў той сваю банкаўскую картку і пашпарт, бо на яго імя аформлены крэдыт. Мужчына адказаў, што ніякіх крэдытаў ён не браў. Але непрыемнасці пасля таго для яго толькі пачаліся, паведамляе УУС Мінскага аблвыканкама.
Атрымаўшы ад мужчыны адмоўны адказ, суразмоўца растлумачыў, што да гэтага можа мець дачыненне нядобрасумленны супрацоўнік банка і пераключыў пацярпелага на нібыта прадстаўніка праваахоўных органаў, які папрасіў паўдзельнічаць у «спецаперацыі».
Маладзечанец павёўся на выкрутасы аферыстаў і выканаў усё, што ад яго патрабавалі зламыснікі.
Каб закрыць заяўку, мужчыну сказалі звярнуцца ў іншыя банкі і самому аформіць крэдыты. У адным з банкаў Маладзечна ён аформіў крэдыт на 8300 рублёў. Затым, прытрымліваючыся «інструкцыі», адправіўся ў іншую фінансавую ўстанову, дзе яму выдалі крэдыт на 9600 рублёў.
Пасля чаго па парадзе лжэбанкіраў ён усталяваў на мабільны тэлефон дадатак AnyDesk, які дазволіў зламыснікам атрымаць выдалены доступ да смартфона і спісаць з карт-рахунку грошы ў памеры 5850 рублёў. Агулам зламыснікі спісалі з рахунку маладзечанца 23750 рублёў.
Следчымі заведзена крымінальная справа па ч. 3 арт. 212 КК РБ («Крадзеж маёмасці шляхам мадыфікацыі камп’ютарнай інфармацыі»).
Раней паведамлялася пра падобную сітуацыў ў Пінску, дзе мясцовы выкладчык такім самым чынам страціў 52 850 рублёў.
Чытайце таксама:
Выкладчык з Пінска паўдзельнічаў у «міліцэйскай спецаперацыі», і гэта яму выйшла бокам
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»32
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары