Jašče adzin biełarus zachacieŭ dapamahčy milicyi i ŭlacieŭ na hrošy
Pačałosia z taho, što 57-hadovamu žycharu Maładziečna ŭ miesiendžar patelefanavaŭ iłžesupracoŭnik adnaho z «bankaŭ», jaki pacikaviŭsia ŭ maładziečanca, ci nie hublaŭ toj svaju bankaŭskuju kartku i pašpart, bo na jaho imia aformleny kredyt. Mužčyna adkazaŭ, što nijakich kredytaŭ jon nie braŭ. Ale niepryjemnaści paśla taho dla jaho tolki pačalisia, paviedamlaje UUS Minskaha abłvykankama.
Atrymaŭšy ad mužčyny admoŭny adkaz, surazmoŭca rastłumačyŭ, što da hetaha moža mieć dačynieńnie niadobrasumlenny supracoŭnik banka i pieraklučyŭ paciarpiełaha na nibyta pradstaŭnika pravaachoŭnych orhanaŭ, jaki paprasiŭ paŭdzielničać u «śpiecapieracyi».
Maładziečaniec pavioŭsia na vykrutasy afierystaŭ i vykanaŭ usio, što ad jaho patrabavali złamyśniki.
Kab zakryć zajaŭku, mužčynu skazali źviarnucca ŭ inšyja banki i samomu aformić kredyty. U adnym z bankaŭ Maładziečna jon aformiŭ kredyt na 8300 rubloŭ. Zatym, prytrymlivajučysia «instrukcyi», adpraviŭsia ŭ inšuju finansavuju ŭstanovu, dzie jamu vydali kredyt na 9600 rubloŭ.
Paśla čaho pa paradzie łžebankiraŭ jon ustalavaŭ na mabilny telefon dadatak AnyDesk, jaki dazvoliŭ złamyśnikam atrymać vydaleny dostup da smartfona i śpisać z kart-rachunku hrošy ŭ pamiery 5850 rubloŭ. Ahułam złamyśniki śpisali z rachunku maładziečanca 23750 rubloŭ.
Śledčymi zaviedziena kryminalnaja sprava pa č. 3 art. 212 KK RB («Kradziež majomaści šlacham madyfikacyi kampjutarnaj infarmacyi»).
Raniej paviedamlałasia pra padobnuju situacyŭ ŭ Pinsku, dzie miascovy vykładčyk takim samym čynam straciŭ 52 850 rubloŭ.
Čytajcie taksama:
Vykładčyk ź Pinska paŭdzielničaŭ u «milicejskaj śpiecapieracyi», i heta jamu vyjšła bokam
Ciapier čytajuć
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?4
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić77
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić7
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Kamientary