«Амерыканец» паабяцаў беларусцы шчодрыя падарункі, але ў выніку развёў яе на грошы
48-гадовая жыхарка горада Мёры Віцебскай вобласці пазнаёмілася ў сеціве з хлопцам, які прадставіўся рускамоўным грамадзянінам ЗША. Пасля ліставанне ў інстаграме нібыта амерыканец прапанаваў жанчыне даслаць ёй падарункі на 22 000 даляраў. Але ў выніку яна не набыла, а страціла, піша рэчыцкая раёнка «Дняпровец».
Пакуль жанчына адпачывала ў адным з санаторыяў Рэчыцкага раёна, з ёй звязаўся «супрацоўнік мытнай службы», які даў кантакты карты, на якую трэба было пералічыць 1300 рублёў — нібыта збор за атрыманне каштоўнай пасылкі з ЗША. Яны паверыла і пералічыла. І гэтым самым патрапіла на вуду махляроў.
Пры гэтым картка, на якую пералічыла грошы пацярпелая, была вырабленая ў Беларусі. Завяла яе па просьбе такога ж «сябра», толькі гэтым разам з Лондана, іншая беларуска, якая перадала махляру ўсе звесткі. Як кажуць у Рэчыцкім РАУС, карта выкарыстоўвалася дзеля падобных мэтаў неаднаразова, і верагодна, што па гэтай самай схеме.
28‑гадовай беларусцы пасля жудаснай аварыі ў Тайландзе не могуць аказаць дапамогу — няма патрэбнай крыві1
Каментары