WSJ: Дарадца Байдэна правёў сакрэтныя перамовы з набліжанымі да Пуціна аб Украіне і ядзернай зброі
У апошнія месяцы дарадца прэзідэнта ЗША па нацыянальнай бяспецы Джэйк Саліван правёў некалькі канфідэнцыяльных перагавораў з памочнікам прэзідэнта РФ Юрыем Ушаковым і сакратаром Рады Бяспекі РФ Мікалаем Патрушавым. Пра гэта паведамляюць крыніцы The Wall Street Journal сярод чыноўнікаў ЗША і іх саюзнікаў.
Па словах крыніц газеты, мэтай гэтых кантактаў было не ўрэгуляванне вайны ва Украіне, а прадухіленне эскалацыі і падтрымка каналаў сувязі. Выданне дадае, што гутаркі таксама праводзіліся, каб перасцерагчы Маскву ад ужывання ядзернай зброі ці іншай зброі масавага паражэння.
Калі і як часта Саліван кантактаваў з Ушаковым і Патрушавым, крыніцы The Wall Street Journal не ўдакладнілі.
Акрамя таго, паводле інфармацыі выдання, Саліван заклікаў кіраўніцтва Украіны публічна заявіць пра гатоўнасць урэгуляваць канфлікт. Раней аб падобных просьбах з боку Адміністрацыі Прэзідэнта ЗША паведамляла The Washington Post.
Прэс-сакратар Салівана не стала каментаваць інфармацыю газеты.
Цяпер чытаюць
Лёс сына прапагандыста са «Спутніка», які прыйшоў да беларушчыны падлеткам, выклікаў буру эмоцый у яго сяброў1
Лёс сына прапагандыста са «Спутніка», які прыйшоў да беларушчыны падлеткам, выклікаў буру эмоцый у яго сяброў
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары