Сваякі вядомай і шанаванай ва ўсёй краіне пенсіянеркі просяць не ўдзельнічаць у аўкцыёне па продажы лецішча Ніны Багінскай, нават з самымі найлепшымі намерамі.
«Ужо заўтра адбудзецца аўкцыён, на якім АПВ будзе спрабаваць прадаць бабуліна лецішча. Гэта ўжо не першы раз, калі на яе ціснуць менавіта такім брыдкім шляхам: першы раз, некалькі гадоў таму, у іх усё ж не атрымалася прадаць яе маёмасць. Таму, даражэнькія, не падтрымлівайце і не легалізуйце фарс.
З усіх бакоў нам пачынаюць пісаць людзі і прапаноўваць выкупіць лецішча. Дзякуй, але ж гэта будзе мядзведжая паслуга — такім чынам адбываецца фінансаванне рэжыму.
Мая бабуля мае прынцыповую пазіцыю не плаціць аніякія штрафы, якія ёй прызначае гэтая бандыцкая ўлада па палітычных матывах. Яна не падпарадкуецца, і вы таксама не падпарадкуйцеся. Гэта прынцыповая пазіцыя ўсёй нашай сям'і. Калі ласка, паважайце гэта», — напісала ўнучка Ніны Багінскай.
Цяпер чытаюць
«Люблю, калі беларусы беларусяцца»: у сацсетках жартуюць з надвор’я і абмяркоўваюць праблемы2
Каментары