Затрыманы беларускі сектавед Алег Нагорны. Яму пагражаюць крымінальнай справай за антываенныя публікацыі
Відэа з ім з'явілася на праўладных тэлеграм-каналах.
Алегу Нагорнаму 41 год, і ён з Жодзіна. Ён каля дзесяці гадоў узначальвае праект «Супрацьсекта», які займаецца барацьбой з тым, што традыцыйныя рэлігіі называюць сектамі. Таксама ён вядзе блог «Дзяжурны сектавед», дзе выкладае свае разважанні. Нагорны — аўтар брашуры «Экстрасэнсорнае чытанне», дзе апісаныя трукі псеўда-экстрасэнсаў і магаў.
Нагорны — адзін з самых вядомых праваслаўных сектаведаў у Беларусі. Раней ён рэгулярна выступаў на розных праваслаўных імпрэзах і форумах.
З пачаткам вайны ва Украіне Нагорны заняў праўкраінскую пазіцыю і на восьмы дзень вайны напісаў адкрыты ліст да вядомага праваслаўнага прафесара Аляксея Осіпава з такімі словамі:
«<…> Падтрымліваючы ваеннае ўварванне ва Украіну, праваслаўныя Расіі і Беларусі здраджваюць сваім украінскім братам і сёстрам у Хрысце <…> Мне здаецца, хрысціянін не можа апраўдваць амаральную, злачынную і захопніцкую вайсковую «прэвентыўную» агрэсію ў адрас іншай суверэннай дзяржавы, тым больш сумешчаную з ваеннымі злачынствамі і забойствамі цывільных грамадзян, нават у інтарэсах выжывання сваёй дзяржавы. А вам?»
У сваіх публікацыях Алег Нагорны асуджае ўварванне і крытыкуе тых дзеячаў праваслаўнай царквы, якія падтрымалі вайну.
За гэта ГУБАЗіК прапануе праверыць яго публікацыі на прадмет «распальвання нянавісці да рускіх» і завесці на мужчыну крымінальную справу.
Каментары
У любым выпадку, ні прыналежнасць да праваслаўнай рэлігійнай секты, ні выказванні супраць вайны расейскіх фашыстаў з украінскім народам, ні нават монаброў – не могуць быць прычынамі для затрымання. Слабавікі будуць развівацца пад ветрам на стаўбах.