Балгарыя, Румынія і Харватыя гатовыя стаць удзельніцамі Шэнгенскай зоны
Балгарыя, Румынія і Харватыя гатовыя да паўнавартаснага членства ў Шэнгенскай зоне, заявіла еўракамісарка па ўнутраных справах Ілва Ёхансан.
Паводле слоў еўрачыноўніцы, у мінулым месяцы місія еўрапейскіх службаў дала станоўчае заключэнне аб далучэнні Балгарыі і Румыніі.
«Еўрапейскі парламент прыняў некалькі рэзалюцый у падтрымку пашырэння. Пераважная большасць галасуе за падтрымку.
Цяпер чэшскае старшынства плануе ўключыць яго ў парадак дня Рады па ўнутраных справах 8 снежня», — заявіла Ёхансан.
У той жа час і Еўрапейская камісія заклікала Раду ЕС прыняць неабходныя рашэнні, каб дазволіць Балгарыі, Румыніі і Харватыі стаць дзяржавамі Шэнгенскай зоны.
«На працягу многіх гадоў гэтыя дзяржавы-ўдзельніцы рабілі значны ўнёсак у забеспячэнне нармальнага функцыянавання Шэнгенскай зоны, у тым ліку падчас пандэміі і зусім нядаўна, калі сутыкнуліся з беспрэцэдэнтнымі наступствамі вайны ва Украіне», — сказана ў заяве Еўракамісіі.
Цяпер у Шэнгенскую зону ўваходзяць 22 дзяржавы і чатыры асацыяваныя ўдзельнікі.
Цяпер чытаюць
Літва зноў закрывае мяжу з Беларуссю — на нявызначаны тэрмін8
Літва зноў закрывае мяжу з Беларуссю — на нявызначаны тэрмін
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары