Жахлівая гісторыя адбылася ў вёсцы Хорск непадалёк ад Давыд-Гарадка. 17-гадовы падлетак прыехаў туды пасля сваркі з бацькамі. Ён спрабаваў знайсці сваю знаёмую, але не ведаў, дзе яна дакладна жыве, і пайшоў з роспытамі па вёсцы, перад гэтым ужыўшы спіртное. А скончылася гэта трагічна.
У адным з двароў падлетку трапіўся на вочы 47-гадовы інвалід-вазочнік, у якога хлопец папрасіў цыгарэту. Цыгарэт мужчына не меў, і гэта выклікала ў нецвярозага падлетка шал. Ён схапіў жалезны штыр і стаў ім збіваць бездапаможнага чалавека, а затым збег.
Нападніка знайшлі праз гадзіну, на пытанні міліцыянтаў, якія яго затрымалі, ён не адказваў. У выніку на хлопца завялі крымінальную справу па артыкуле «Асабліва злоснае хуліганства», яму пагражае да 10 гадоў пазбаўлення волі.
Цяпер чытаюць
У дакументах па «справе Эпштэйна» знайшлі сляды буйных грашовых пераводаў у Мінск. Зноў усплыло імя Карыны Шуляк7
Каментары