Свет

На Сардзініі знікла яхта расійскага алігарха Мазепіна

Брытанская газета Guardian паведамляе, што на Сардзініі знікла яхта расійскага мільярдэра, ураджэнца Мінска Дзмітрыя Мазепіна, якая, па даных выдання, была арыштаваная ўладамі Італіі з-за санкцый, уведзеных пасля расійскага ўварвання ва Украіну.

Як піша Guardian, 22-метровая яхта «Алдабара» коштам ад 700 тысяч да 1 млн еўра знаходзілася ў порце Ольбіі, але была арыштаваная ў сакавіку, калі Мазепін апынуўся ў ліку расійскіх бізнэсоўцаў, якія падпалі пад санкцыі.

Па звестках газеты, яхта знаходзілася ў Ольбіі да чэрвеня, а затым знікла — і адбылося гэта за некалькі гадзін да таго, як яе афіцыйна абвясцілі ўласнасцю Мазепіна.

«Мазепін ведаў, што ён у спісе, але змог максімальна скарыстацца часам, на працягу якога мы высвятлялі, што судна належыць яму. Таму што нам трэба было расследаваць увесь ланцужок уласнікаў, — сказала газеце крыніца ў італьянскай фінансавай паліцыі. — Калі мы былі ў працэсе пацверджання ўласнасці, яе забралі».

Па даных паліцыі, Мазепін наняў замежную кампанію, якая ў сваю чаргу заплаціла італьянскаму капітану, які адвёў яхту з Ольбіі. Паліцыя Італіі ўстанавіла, што апошні раз яе бачылі ў порце Бізерта ў Тунісе, аднак пра яе цяперашняе месцазнаходжанне нічога не вядома.

Guardian паведамляе, што зараз італьянскія ўлады могуць аштрафаваць на 500 тыс. еўра за незаконны вываз яхты самога Мазепіна, кампанію, датычную да яе вывазу, і капітана.

У публікацыі сказана, што на Сардзініі таксама арыштаваная віла, якая належыць Мазепіну.

Мазепін узначальвае раду дырэктараў «Уралхіма», ён уключаны ў санкцыйныя спісы ў ЕС і Вялікабрытаніі.

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Ціханоўскі расказаў, што трэба было рабіць у жніўні 2020-га62

Ціханоўскі расказаў, што трэба было рабіць у жніўні 2020-га

Усе навіны →
Усе навіны

«Не ведаю, што вы там выпраўлялі, але мінус як быў так і застаўся». Кліенты банкаў працягваюць скардзіцца на няправільныя балансы3

Папулярная мінская шаўрменная трапіла ў скандал. Што здарылася2

У Магілёве падчас непагадзі жанчыну забіла дрэвам, яшчэ чатыры чалавекі пацярпелі

Беларуска пасля платнай медыцыны пайшла ў дзяржаўную і расказала свае ўражанні7

У Абу-Дабі пачаліся перамовы Пашыняна і Аліева3

Чарга на польскай мяжы канчаткова рассмакталася2

Келаг: Украіне патрэбны новы «План Маршала»4

Не толькі «кітайцы». Якія бюджэтныя новыя аўто прапануе беларускі рынак8

Кіеў зазнаў масіраваную атаку дронамі і балістыкай

больш чытаных навін
больш лайканых навін

Ціханоўскі расказаў, што трэба было рабіць у жніўні 2020-га62

Ціханоўскі расказаў, што трэба было рабіць у жніўні 2020-га

Галоўнае
Усе навіны →

Заўвага:

 

 

 

 

Закрыць Паведаміць