Валянціну Болбат з Верхнядзвінска, якая правяла за кратамі 17 сутак, чакае чацвёрты суд
Верхнядзвінскую актывісту руху «За свабоду» Валянціну Болбат затрымалі 22 лістапада. А 7-й раніцы да яе прыехаў «Гаргаз» — нібыта каля дома смярдзіць газам. Як толькі жанчына адчыніла дзверы, да яе адразу ўварваліся сілавікі, паведамляе «Вясна».

Яны вынялі тэхніку, а саму жанчыну затрымалі і адвезлі ў ІЧУ Наваполацку. Далей над ёй адбыліся тры суды запар. Суддзя Зінаіда Балаболава двойчы арыштавала Валянціну на 10 сутак паводле арт. 19.11 КаАП (распаўсюд экстрэмісцкіх матэрыялаў), а на трэці раз прызначыла 320 рублёў штрафу.
За кратамі ў жанчыны пагоршылася здароўе, таму яе вызвалілі на тры дні раней.
Але на 19 снежня яе выклікалі на допыт і паведамілі, што 20 снежня адбудзецца чарговы суд. Вядома, што пратаколы на яе складаюць за публікацыі ва «УКантакце».
Таксама сілавікі атрымалі доступ да тэлефона, таму адказвалі на паведамленні знаёмых Валянціны.
Цяпер у Болбат вельмі дрэннае самаадчуванне, высокі ціск.
Каментары