Грамадства44

У Мінску праходзіць навагодні кірмаш у Ракаўскім прадмесці, але гандаль ідзе не надта жвава

У 2022 годзе навагодні кірмаш упершыню пачаў працаваць у Ракаўскім прадмесці. Арганізатары запрашаюць жыхароў Мінска на Фестывальную плошчу, каб заглыбіцца ў атмасферу рамантыкі і бесклапотнага дзяцінства. Але на самай справе на кірмашы ўсё не так добра, даведалася выданне Blizko.by.

У адрэстаўраванай частцы Ракаўскага прадмесця 20 снежня адкрыўся навагодні кірмаш.

«Чаму менавіта ў Ракаўскім прадмесці? Прычын некалькі! — тлумачылі ў кампаніі — арганізатарцы кірмашу «Мінская спадчына». — У Ракаўскім прадмесці нарадзіўся і жыў наш знакаміты зямляк, вядомы мастак-мультыплікатар Леанід Шварцман, які ўвасобіў вобраз Чабурашкі, кракадзіла Гены і іх сяброў, якіх вы ўбачыце каля сапраўднай лясной прыгажуні-елкі.

Трохі сентыментальная атмасфера Фестывальнай плошчы амаль такая ж, як у мультфільмах Шварцмана. Тут прыемна шпацыраваць, фатаграфавацца і ласавацца прысмакамі ў вулічных кіёсках. Калі змерзлі — вакол плошчы нямала ўтульных кавяранек, якія, дарэчы, рыхтуюць прыемныя сюрпрызы для актыўных удзельнікаў кірмашовых конкурсаў. Увечары, калі запаляцца яркія гірлянды на фасадах дамоў, можна паглядзець маляўнічую дзею ў выкананні вясёлых артыстаў ці ўспомніць выпускі «Ералаша», якія будуць транслявацца тут жа».

Чытачка Blizko.by у суботу, 24 снежня, прыйшла на кірмаш, каб паглядзець новую лакацыю і прасякнуцца апісанай вышэй атмасферай, але ў рэчаіснасці не ўсё было так, як анансавалі арганізатары.

«Было заяўлена, што ён працуе да 23:00 вечара, але з амаль дзесяці павільёнаў працавалі ўсяго два, — распавядае дзяўчына. — У першым прадавалі настойкі па шэсць рублёў за чарку, а ў другім — нейкую ежу, здаецца, піцу, а таксама глінтвейн за дзевяць рублёў».

Дзяўчыну ўразіла, што арганізатары ўпрыгожылі дом, вокны якога выходзілі на прадмесце: на ім вісяць сняжынкі, і кожнае акно падсвечана. Але ў суботні вечар было нешматлюдна: літаральна пару чалавек з дзецьмі.

«Там вельмі прыгожая жывая ялінка, упрыгожаная гірляндамі з выявамі казачных герояў. А побач з ёй стаяў тэлевізар, па якім ішоў дзіцячы фільм — уся атмасфера вельмі класная, але мяне цікавіць, чаму кірмаш павінен працаваць да 23-х гадзін, але па факце вялікая частка павільёнаў ужо да 22:00 была зачыненая?»

З гэтым пытаннем Blizko.by звярнуўся да кампаніі «Мінская спадчына». Размаўлялі журналісты з першым намеснікам дырэктара арганізатара Мікалаем Ладуцькам, добра вядомым як былы кіраўнік Мінска і дырэктар завода «Мотавела». Чыноўнік быў не ў курсе таго, што адбываецца.

«Яны (гандлёвыя павільёны) нам не належаць, — патлумачыў Ладуцька. — Належаць зусім іншым арганізацыям. Таму дзякуй, што патэлефанавалі. Мы абавязкова з гэтым разбяромся».

Каментары4

  • циник
    26.12.2022
    Жах, там реально можно травануться этими обмаянезанными беляшами, это не Италия, где вкуснотища в местных лавочках
  • краймілыкрай
    26.12.2022
    хх, Чебурашка просто лежит и пребывает в состоянии охеревания от происходящего в стране. Пока хунта уничтожает сограждан по тюрьмам, народец идёт за шкваркой да чаркой, и кричит, что мало жира по пузу течёт. Вот Чеба и притворился мёртвым, боясь, что "празднующие" от него даже ушей не оставят. Идеологически правильный гражданин РБ - это вам не крокодил Гена. Съест с гаўном и добавки потребует.
  • Пан Усялян
    26.12.2022
    Трэш

Цяпер чытаюць

Беспілотнік, які ўпаў у Мінску, прыляцеў з боку Барысава — шматлікія сведчанні5

Беспілотнік, які ўпаў у Мінску, прыляцеў з боку Барысава — шматлікія сведчанні

Усе навіны →
Усе навіны

Лукашэнка будуе сакрэтны завод па вытворчасці дронаў у Мінску7

СК апублікаваў відэазапіс падзення беспілотніка ў Мінску. На абломках паказалі ўкраінскія надпісы45

Арыштавалі экс-начальніка ДАІ Партызанскага раёна Мінска1

«Ніхто не мае права забараніць мне абняць дзіця». Мінчанка здзівілася строгім правілам у дзіцячым летніку5

АМАП затрымлівае мінчукоў на месцы падзення беспілотніка ў двары на Матусевіча26

Беларускі бізнэсмен, якога шукае Інтэрпал, адкрыў рэстаран у Варшаве. Цяпер з ім судзяцца былыя падначаленыя9

«Не спалі ўсю ноч». Што адбываецца ў двары ў Мінску, дзе збілі дрон8

Мядзведзеў прыгразіў ЗША вайной пасля таго, як Трамп скараціў тэрмін ультыматуму Пуціну7

Гомельскія міліцыянеры выпадкова дадалі «экстрэміста» ў свой унутраны чат — што ён там убачыў5

больш чытаных навін
больш лайканых навін

Беспілотнік, які ўпаў у Мінску, прыляцеў з боку Барысава — шматлікія сведчанні5

Беспілотнік, які ўпаў у Мінску, прыляцеў з боку Барысава — шматлікія сведчанні

Галоўнае
Усе навіны →

Заўвага:

 

 

 

 

Закрыць Паведаміць