Журналіст, пісьменнік і выдавец Віктар Хурсік памёр у Мінску на 70-м годзе жыцця, паведамляе ягоная сям'я. Перад смерцю ён доўга хварэў.
Віктар Хурсік нарадзіўся 9 мая 1953 года на чыгуначнай станцыі Уборак Асіповіцкага раёна. Скончыў Мінскі політэхнічны тэхнікум, завочна Беларускі політэхнічны інстытут, да пачатку 1990-х працаваў па спецыяльнасці на розных беларускіх прадпрыемствах.
З 1980 года рэгулярна друкаваўся ў беларускай прэсе, а ў 1991—2009 гадах быў супрацоўнікам газеты «Звязда». Акрамя таго, яшчэ з пачатку 1990-х пачаў спрабаваць сябе ў ролі выдаўца, а ў 2003-м заснаваў прыватнае выдавецтва, у якім выйшлі сотні кніг, многія з якіх — на беларускай мове. Былі часы, калі ягонае выдавецтва было адным з найбольш актыўных і прадуктыўных у сферы незалежнага беларускага кнігавыдання.
Пісаў кнігі Віктар Хурсік і сам. У асноўным яго цікавіла гістарычная тэматыка. У 2001 годзе ён выдаў кнігу «Белы лебедзь у промнях славы. Магдалена Радзівіл», у 2002-м — «Трагедыя белай гвардыі. Беларускія дваране ў паўстанні 1863—1864 гг.», у 2006-м — «Кроў і попел Дражна. Гісторыя партызанскага злачынства», у 2018-м — «Vale! Кніга пра род і лёс Магдалены Радзівіл».
Віктар Хурсік быў сябрам Саюза беларускіх пісьменнікаў і Беларускай асацыяцыі журналістаў.
Развітанне з Віктарам Хурсікам адбудзецца 8 студзеня ў царкве па адрасе: пр. Праўды, 31, у 12.30.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу4
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1919
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х19
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8383
Каментары