Спілберг, Батлер, Бланшэт. У ЗША прайшло ўручэнне прэміі «Залаты глобус»
Фільм «Фабельманы» атрымаў «Залаты глобус» у катэгорыі «Найлепшы драматычны фільм». Прэміі за найлепшую мужчынскую і жаночую ролі ў драматычных фільмах — у Осціна Батлера і Кейт Бланшэт.
У ЗША прайшла 80-я цырымонія ўручэння прэміі «Залаты глобус». Стужка «Фабельманы» Стывена Спілберга стала лаўрэатам у катэгорыі «Найлепшы драматычны фільм».
Яна змагалася за ўзнагароду разам з фільмамі «Аватар: шлях вады» Джэймса Кэмерана, «Элвіс» База Лурмана, «Тар» Тода Філда і «Топ Ган: Мэверык» Джозэфа Касінскі. Пераможцу абвясціў рэжысёр Квенцін Таранціна.
Фільм «Фабельманы» заснаваны на ўспамінах Спілберга пра дзяцінства ў Арызоне і Каліфорніі.
Спіс іншых пераможцаў:
найлепшы фільм (мюзікл ці камедыя) — «Баншы Інішэрына»;
найлепшы рэжысёр — Стывен Спілберг («Фабельманы»);
найлепшы сцэнар — Марцін МакДонах («Баншы Інішэрына»);
найлепшы акцёр (драма) — Осцін Батлер («Элвіс»);
найлепшая актрыса (драма) — Кейт Бланшэт («Тар»);
найлепшы акцёр (мюзікл або камедыя) — Колін Фарэл («Баншы Інішэрына»);
найлепшая актрыса (мюзікл або камедыя) — Мішэль Еа («Усё ўсюды і адразу»);
найлепшы анімацыйны фільм — «Пінокіа Гільерма дэль Тора»;
найлепшы тэлесерыял (драма) — «Дом Дракона»;
найлепшы тэлефільм, серыял або міні-серыял — «Белы лотас».
У журы прэміі была беларуска Ірэна Кацяловіч.
-
Беларуска знайшла працу для свайго трохмесячнага сына. Немаўлятка знялося ў расійскім серыяле
-
Выходзіць фінал культавага серыяла «Вельмі дзіўныя справы». Гледачы абрынулі Netflix
-
Герой нямецкага супраціву ўладкаваўся да нацыстаў, каб падабрацца да іх бліжэй — новы фільм, які будзе цікавы і беларусам
Каментары