Экс-міністра лясной гаспадаркі асудзілі на сем з паловай гадоў калоніі
Экс-міністр лясной гаспадаркі Віталь Дрожжа прысуджаны да 7,5 года калоніі. Такое рашэнне вынес сёння суд.
У дзяржабвінавачванні сцвярджаецца, што Дрожжа атрымаў хабар у $30 тысяч ад прадстаўніка замежнай кампаніі. Прычым здарылася гэта яшчэ ў 2020 годзе ці раней.
Раней адзначалася, што Віталь Дрожжа дамовіўся з заснавальнікам і дырэктарам замежнай арганізацыі аб атрыманні хабару за спрыяльнае вырашэнне пытанняў па набыцці сушыльных комплексаў. У злачынную схему нібыта былі ўцягнутыя супрацоўнікі, якія не ведалі пра гэта, а таксама сваячка Дрожжы.
Экс-чыноўнік цалкам прызнаў віну. Максімальнае пакаранне па гэтым артыкуле было 15 гадоў калоніі.
Цяпер чытаюць
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі2
Каментары