Справа аб абароне правоў на фільм «Прыгоды Бураціна».
Кінастудыя «Беларусьфільм» мае намер падаць іск у Арбітражны суд Масквы на Дзяржтэлерадыёфонд Расіі аб абароне маёмасных правоў на мастацкі фільм «Прыгоды Бураціна».
Як заявіла прэс‑сакратар кінастудыі Валянціна Белякова, фільм «Прыгоды Бураціна» быў зняты на беларускай кінастудыі ў 1975 годзе і менавіта «Беларусьфільму» належаць яго маёмасныя правы. Аднак Дзяржтэлерадыёфонд Расіі, у архіў якога ў савецкі час была перададзена копія фільма, летам 2009 года ўпершыню паспрабаваў гэта аспрэчыць.
Так, некалькі гадоў таму «Беларусьфільм» прадаў правы на пракат фільма «Прыгоды Бураціна» пабочнай арганізацыі.Сёлета Дзяржтэлерадыёфонд Расіі падаў на гэту арганізацыю іск з заявай, што тая не мае правоў на фільм. 12 жніўня Міністэрства культуры Расіі адазвала ў дадзенай арганізацыі пракатнае пасведчанне.
Прадстаўнікі нацыянальнай кінастудыі «Беларусьфільм» называюць гэта дзяржаўным рэйдэрствам з боку Дзяржтэлерадыёфонду Расіі. Яны рыхтуюць дакументы для разгляду справы ў судзе. Як лічыць Белякова, асноўныя цяжкасці пры разглядзе справы могуць быць звязаныя з тым, што фільм зняты больш за 30 гадоў таму.
Паводле яе слоў, у архівах Дзяржтэлерадыёфонду Расіі знаходзіцца прыкладна 170 фільмаў, якія зняты на «Беларусьфільме» і, значыць, з’яўляюцца набыткам Беларусі.Карціны накіроўваліся ў Дзяржтэлерадыёфонд, бо ў савецкі час ён быў цэнтральнай арганізацыяй па захоўванні фільмаў з усіх рэспублік СССР.
Законнае вяртанне нацыянальнай інтэлектуальнай уласнасці — пытанне міждзяржаўнае, яно патрабуе актывізацыі намаганняў з боку адпаведных дзяржаўных органаў і службаў, лічаць прадстаўнікі «Беларусьфільма». Паводле іх меркавання, да гэтага часу праблема вырашаецца вельмі павольна.
Бабарыка тры хвіліны адказваў на пытанне, чый Крым. Так і не адказаў89
Каментары