Так, нядзеля 12 лютага стала апошнім днём працы паба Malt&Hops на вул. Зыбіцкай у Мінску. У панядзелак яго супрацоўнікі ўжо збіралі і выносілі маёмасць. Але гэта не адзіная ўстанова, якая закрываецца або ўжо закрылася на некалі самай тусовачнай вуліцы сталіцы. Пра тое, што адбываецца цяпер на Зыбіцкай — распавядае Office Life.
Malt&Hops адкрыўся ў 2014 годзе і прапрацаваў амаль 10 гадоў. Прычыну закрыцця дырэктар установы каментаваць адмовілася. Аб'ект ужо выключаны з гандлёвага рэестра.
Па інфармацыі OL, такое рашэнне можа быць звязана з тым, што ў апошні час на Зыбіцкай стала менш людзей. Многія плацежаздольныя кліенты працавалі там жа ў офісах, хадзілі ў кафэ і рэстараны на абед, адпачывалі ў іх па вечарах. І хоць у офісы па большай частцы заехалі новыя арандатары, праходнасць устаноў усё роўна знізілася.
Цяпер памяшканне, у якім знаходзіўся Malt & Hops, свабоднае і здаецца ў арэнду. Як распавёў OL яго ўласнік, гэта 423 квадратныя метры, увесь інтэр'ер, камунікацыі і сістэма відэаназірання засталіся ад папярэдняга арандатара, акрамя мэблі і кухоннага абсталявання. Стаўка — €15 за «квадрат», гэта значыць, на месяц арэнда абыдзецца ў €6345.
Пустуе цяпер і суседняе з Malt & Hops памяшканне, у якім размяшчаўся гастрабар «Лес» (аб'ект таксама выключаны з гандлёвага рэестра). Яго плошча — 152 кв. метраў, уласнік прапануе яго на Realt.by у арэнду за 5700—9500 рублёў (€1900-3200).
Побач размешчаны бар «Чардак». Ён пакуль працуе, але тэрмін арэнды заканчваецца ў красавіку, і ўласнік мяркуе, што памяшканне можа вызваліцца. А на Realt.by ужо з'явілася аб'ява ад ТАА «Бюро гарадской нерухомасці» аб яго арэндзе: 180 кв. метраў па 54 рублі (€19) за «квадрат» даюць выніковую суму амаль €3500 на месяц.
Цяпер чытаюць
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый39
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2424
Каментары
Свята- карнавал дазволенный ..згасае
На Кастрычніцкай па вашєму Октябоьскай пабы ні затрымліваюца Айці ваш ..єпам