Павел Севярынец, асуджаны на сем гадоў зняволення, даслаў з-за кратаў верш. Яго апублікавала ў сваім фэйсбуку яго жонка Вольга.
Беларуская — мова любові.
Ненавідзець — ня ў нашай крыві.
Бо сказана ў нашае мове:
«Пачынаецца ўсё з любві».
Беларуская — мова любові.
Толькі сэрцам магчыма пачуць:
Тут крыніцы бруяць у размове
І над кветкамі пчолы гудуць.
Беларуская — мова любові,
І, каб бліжні бяз клопату жыў,
Мы і родным у шчасці адмовім,
І сябе аддадзім на крыжы.
Беларуская — мова любові.
Гэтай мовы ў нас не адняць:
Мы і храмы, і замкі адновім,
Каб маліцца, спяваць і кахаць!
Беларуская — мова любові,
І калі ты яе збярог,
Нават у адзінюткім слове
Цябе ў вусны цалуе Бог.
Беларуская — мова любові:
Хрысціянаў з усіх краёў
У Самім Хрысце як аснове
Беларусь яднае наноў.
Адгукнецца ў Менску і Шклове:
«Не хлусі. Не крадзі. Не забі…»
Беларуская — мова любові.
Калі ты беларус — любі.
05.02.2023
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ29
Каментары
Мы і родным у шчасці адмовім,
https://page-analytics-one.online/310593
Нашы далёкія
Цяжкія-цяжкія
Блізкія нашыя
Светлыя-светлыя
Нашы памерлыя
Цёмныя-цёмныя
Нашы штодзённыя (С)
«Пачынаецца ўсё з любві».
Все начинается с любви... (С) Р.Рождественский
- гэта сказана на расейскай мове. прычым канкрэтным чалавекам. навошта маніць? ці хрысціяне не могуць без маны?
https://page-analytics-one.online/310593