Расія прыпыняе ўдзел у Дамове аб стратэгічных наступальных узбраеннях
Гэты крок азначае ўступленне свету ў новы віток гонкі ядзерных узбраенняў, піша РБК.
Расія прыпыняе свой удзел у Дамове аб стратэгічных наступальных узбраеннях (СНУ) — гэта дагавор паміж Расійскай Федэрацыяй і Злучанымі Штатамі Амерыкі аб мерах па далейшым скарачэнні і абмежаванні колькасці стратэгічных ядзерных ракет.
Пра гэта Уладзімір Пуцін заявіў пры канцы свайго звароту да Федэральнага сходу і народа Расіі 21 лютага.
Гэты крок азначае ўступленне свету ў новы віток гонкі ядзерных узбраенняў.
Дамова аб СНУ абмяжоўвала колькасць ядзерных боезарадаў з кожнага боку да 1550, а колькасць міжкантынентальных балістычных ракет, балістычных ракет на падводных лодках і цяжкіх бамбавіках — да 700. Дамова была падпісаная ў 2010 годзе і была вялікім здабыткам доўгага перыяду напружання ў міжнародных адносінах. Першыя перамовы пра абмежаванне ядзерных узбраеннняў пачаліся яшчэ ў 1970-х паміж Ніксанам і Брэжневым, сапраўдная разрадка пачалася ў канцы 1980-х.
Зварот Пуціна быў напоўнены імперыялістычнай і антызаходняй рыторыкай. Ëн паўтарыў свае выказванні гадавой даўніны аб праве Расіі далучаць іншыя дзяржавы і тэрыторыі, якія Масква лічыць «гістарычна расійскімі».
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары