Лукашэнка: З боку тэрарыстаў ужываліся гранаты і зброя, рыхтаваліся тэракты ў дачыненні да грамадзян і службовых асоб
Лукашэнка ў чарговы раз сабраў нараду з сілавікамі. Тэма нарады, паводле яго, — нацыянальная бяспека і сітуацыя ў сілавым блоку. Насамрэч, усе чакалі інфармацыі пра тое, што, па афіцыйнай версіі, адбылося ў Гродне.
Паводле Лукашэнкі, у Гродне «спецслужбы спрацавалі бліскуча».
«Канфіскаваны цэлы арсенал зброі і выбухоўкі, якія прызначаліся для «гучных» тэрактаў у дачыненні да грамадзян і службовых асоб дзяржаўных органаў. За што малайцы нашы хлопцы — пры такой вострай сітуацыі, калі з боку тэрарыстаў ужываліся гранаты і зброя, не загінуў ні адзін супрацоўнік групы «Альфа». Добрая аперацыя, добрая праца».
«Пул першага» напісаў, што Лукашэнка на нарадзе распавёў пра «затрыманне тэрарыста ў Гродне». Паводле вядомай афіцыйнай інфармацыі, іншаземец быў застрэлены, пра затрыманні не паведамлялася.
Асобу забітага дагэтуль не раскрылі. Як і тое, грамадзянінам якой краіны ён з'яўляўся і якія тэракты планаваў.
На нараду былі запрошаныя прадстаўнікі органаў пракуратуры, Камітэта дзяржкантролю, Следчага камітэта, КДБ, МУС, Мінабароны, МНС, Дзяржпагранкамітэта, Дзяржаўнага камітэта судовых экспертыз, судоў, кіраўнікі рэгіёнаў.
Цяпер чытаюць
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі6
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары