Ратавальнікі працуюць над умацаваннем берага каля дачных пасёлкаў пад Віцебскам ФОТЫ
Рашэннем Віцебскай раённай камісіі па надзвычайных сітуацыях абвальванне берагавой лініі каля дачных пасёлкаў пад Віцебскам прызнана надзвычайнай сітуацыяй прыроднага характару. Надзвычайнае здарэнне зафіксавана непадалёк ад дачных таварыстваў «Лужасна-1» і «Лужасна-2» каля вёскі Барвін.
Вада Дзвіны падмыла бераг амаль на 20 метраў.
На месцы падзей, у раёне Лужасны, сёння пабываў першы намеснік міністра надзвычайных сітуацый Аляксандр Худалееў. Ён адзначыў, што ратавальнікамі і іншымі зацікаўленымі службамі прымаюцца ўсе неабходныя меры па абароне насельніцтва.
Для ліквідацыі праблемы ў Віцебскім раёне задзейнічана каля 17 адзінак тэхнікі, пад кіраўніцтвам старшыні мясцовага райвыканкама працуе раённая камісія па надзвычайных сітуацыях.
У гэты момант, як сцвярджаецца, пагрозы абвальвання жылых будынкаў ужо няма. Работы прадоўжацца да аднаўлення дарогі і стварэння бяспечных умоў для пражывання.
«Засяроджуся на працы з ЗША». Ціханоўскі расказаў пра свае палітычныя планы на 2026 год32
Каментары