Нарвегія абвясціла непажаданымі асобамі 15 супрацоўнікаў пасольства РФ у Нарвегіі, якія дэ-факта займаліся шпіёнскай дзейнасцю пад дыпламатычным прыкрыццём. Пра гэта заявілі ў МЗС Нарвегіі 13 красавіка, піша «Украінская праўда».
Ведамства адзначае, што за дзейнасцю названых асоб сачылі працяглы час.
«Урад вырашыў абвясціць персонамі нон грата 15 супрацоўнікаў расійскай разведкі, якія дзейнічалі ў Нарвегіі пад дыпламатычным прыкрыццём. Названыя супрацоўнікі павінны пакінуць краіну ў сціслыя тэрміны. Супрацоўнікам разведкі, якія хочуць прыехаць у Нарвегію, не будуць выдавацца візы», — гаворыцца ў заяве нарвежскага МЗС.
Міністр замежных спраў Анікен Гуйтфельт адзначыла, што дзейнасць гэтых расіянаў несумяшчальная з іх дыпламатычным статусам, і рашэнне Нарвегіі — важны крок для памяншэння разведвальнай актыўнасці РФ у краіне і абароны нацыянальных інтарэсаў Нарвегіі.
Яна таксама адзначыла, што Расія цяпер з'яўляецца самай вялікай пагрозай для Нарвегіі з пункту гледжання разведвальнай дзейнасці.
Міністр дадала, што Нарвегія пры гэтым імкнецца і ў далейшым падтрымліваць нармальныя дыпламатычныя адносіны з Расіяй. «Мы хочам, каб Расія і далей мела дыпламатычную місію ў Нарвегіі, але не будзем мірыцца з тым, каб ёю злоўжывалі для разведвальнай дзейнасці пад прыкрыццём», — падкрэсліла Гуйтфельт.
У Польшчы затрымалі яшчэ аднаго расійскага шпіёна. Яго грамадзянства не раскрываецца
Былы ахоўнік пасольства Брытаніі ў Берліне атрымаў 13 гадоў за шпіянаж на карысць Расіі
Цяпер чытаюць
«Лукашэнка мне сказаў: «Хочаш — можаш адказаць нам, ударыць па Мазыры, па заводзе» — Зяленскі8
Каментары