Narviehija abviaściła niepažadanymi asobami 15 supracoŭnikaŭ pasolstva RF u Narviehii, jakija de-fakta zajmalisia špijonskaj dziejnaściu pad dypłamatyčnym prykryćciom. Pra heta zajavili ŭ MZS Narviehii 13 krasavika, piša «Ukrainskaja praŭda».
Viedamstva adznačaje, što za dziejnaściu nazvanych asob sačyli praciahły čas.
«Urad vyrašyŭ abviaścić piersonami non hrata 15 supracoŭnikaŭ rasijskaj raźviedki, jakija dziejničali ŭ Narviehii pad dypłamatyčnym prykryćciom. Nazvanyja supracoŭniki pavinny pakinuć krainu ŭ ścisłyja terminy. Supracoŭnikam raźviedki, jakija chočuć pryjechać u Narviehiju, nie buduć vydavacca vizy», — havorycca ŭ zajavie narviežskaha MZS.
Ministr zamiežnych spraŭ Anikien Hujtfielt adznačyła, što dziejnaść hetych rasijanaŭ niesumiaščalnaja ź ich dypłamatyčnym statusam, i rašeńnie Narviehii — važny krok dla pamianšeńnia raźviedvalnaj aktyŭnaści RF u krainie i abarony nacyjanalnych intaresaŭ Narviehii.
Jana taksama adznačyła, što Rasija ciapier źjaŭlajecca samaj vialikaj pahrozaj dla Narviehii z punktu hledžańnia raźviedvalnaj dziejnaści.
Ministr dadała, što Narviehija pry hetym imkniecca i ŭ dalejšym padtrymlivać narmalnyja dypłamatyčnyja adnosiny z Rasijaj. «My chočam, kab Rasija i dalej mieła dypłamatyčnuju misiju ŭ Narviehii, ale nie budziem mirycca z tym, kab joju złoŭžyvali dla raźviedvalnaj dziejnaści pad prykryćciom», — padkreśliła Hujtfielt.
U Polščy zatrymali jašče adnaho rasijskaha špijona. Jaho hramadzianstva nie raskryvajecca
Były achoŭnik pasolstva Brytanii ŭ Bierlinie atrymaŭ 13 hadoŭ za špijanaž na karyść Rasii
Ciapier čytajuć
Ejsmant: Statkieviča pamiłavali ŭžo paŭhoda nazad, ale tady jon viarnuŭsia ŭ turmu30
Kamientary