Усяго патроху33

Жыхару Смаргоні сын падарыў на дзень нараджэння страусаў. Гаспадар перарабіў плот, бо метровы птушкі бралі з разбегу

Ва Уладзіслава і Ларысы Мізулаў на лецішчы ў Смаргонскім раёне тры гады жывуць страусы Машка, Хомка і Дэн. Гаспадар сказаў, што птушкі былі марай.

Жыўнасць на лецішчы Мізулы трымаюць даўно, піша «Светлы шлях». Але куры, гусі, качкі, трусы — для здаровага харчавання, а страусы — для цікавасці, для душы.

— Купіў дваіх, а трэцяга сын на дзень нараджэння падарыў. Малыя яны тады былі зусім — па месяцы чатыры, а афарбоўка — як у дзікоў, паласатыя такія. Усё лета разам з куранятамі ў цяпліцы і пражылі, — кажа дачнік.

Пра тое, што гэта два самцы і самачка, гаспадары даведаліся нядаўна, таму што да двух гадоў знешніх адрозненняў у птушак не было. Цяпер жа, калі прыгледзецца да афарбоўкі пёраў на шыі, то можна зразумець, што ў самцоў яны з блакітнаватым адлівам.

А яшчэ «хлопцы» выдаюць незвычайныя гукі — падобныя на барабанны гук.

Ларыса Якімаўна прызнаецца, што адразу была не ў захапленні ад гэтых экзатычных гасцей у гаспадарцы. А цяпер так прыкіпела да іх душой, вельмі палюбіла.

— Падыду, абдыму, руку ў пёры апушчу — і так добра на душы становіцца. А як цікава з імі гуляць, назіраць за звычкамі.

— Пабегайце, пакажыце сябе! — жартаўліва камандуе сваім падапечным Уладзіслаў Браніслававіч. І птушкі, распушыўшы пёры, паўстаюць ва ўсёй красе.

Што ў меню ў вялікай птушкі?

Гэта цяпер у страусаў выдатныя пенаты і вялікі дворык. Гаспадар пастараўся. Праўда, плот прыйшлося два разы рабіць. Вышыню ў 1 метр 20 сантыметраў птушкі бралі з разбегу. Адзін страус уцёк, насіўся па дачах, пакуль не злавілі. Цяпер сетка ў два метры — такая вышыня птушкам не паддаецца.

Калі цёпла, страусы амаль увесь час на вуліцы. Калі душна, ім уключаюць ваду і робяць фантан, тады яны «ад радасці ногі ўверх падкідваюць, быццам лятку-енку танчаць, кажа Уладзіслаў Мізула.

Аказваецца, гаспадары ўжо пачаставаліся яйкам-дэлікатэсам, і людзям далі пакаштаваць. Ларыса Якімаўна рабіла амлет, а дачка яйка ў салату дадавала. Першае ўзважылі — паўкіло. Жаўток па памеры з добры яблык.

А сёлета вывелі страусяня. У канцы лютага малое з'явілася на свет. Паклаў яго Уладзіслаў Браніслававіч у інкубатар для вывядзення куранят, адсочваў працэс.

— Чую, на 57 дзень — яйка варушыцца, пішчыць, але праклёву няма. Прыйшлося дапамагчы. Надкалоў яйка акуратненька, а далей малы сам усё зрабіў. Да вечара ўжо нават на вуліцу выйшаў, — кажа Мізула. Унукі назвалі страусяня Бэбі. Пакуль ён дома, але хутка прывязуць на лецішча.

Кормяць сваіх страусаў Мізулы, як курэй. Гаспадар удакладняе, што зерне дае не цалкам — дробніць. Любяць страусы і траву: «амерыканку», лісце буракоў, морквы, хрэну.

«Ніколі не бачыў іх такімі худымі». Рэдкіх быкоў з адрэзаных паводкай астраўкоў пад Туравам так пакуль і не вывезлі

У Гомелі ратавальнікі ўратавалі ад вялікай вады коціка ВІДЭА

У Пінску выратавалі казулю, якая трапіла ў ачышчальныя збудаванні

Каментары3

  • даведка
    14.04.2023
    У меня на дедовском хуторе летали, как полноценные птицы, даже куры, индюшки, гуси... 
    Последние так целой стаей как-то улетели прямо на моих детских глазах. Пришлось потом возвращать их с ближайшего водоёма. Поэтому домашней птице подрезают перья. Но и это не всегда лишает их возможности летать, если пропустить, когда оперение начинает отрастать: то курица на забор залетит, то индюшка с одного конца двора на ворота в другом конце через весь двор пролетит и сядет. Для таких ситуаций домашнюю птицу метят краской, чтобы потом можно было отличить свою от чужой.
  • ми-ми но
    14.04.2023
    страусы лятаюць? Оо... добра, што не лятаюць каровы
  • Злосны вожык
    14.04.2023
    Даведка тожа самае і у маім дзяцінстве было,аналогия не правильная но вчера был в чат рулетке написано рус и тут опа.,говар мова Украінка Украінец з такой падзякай што Беларусы за Украіну, але гэта на жаль не доўга ,яшчэ трохі і нас на гадоў 50 будуць плевать в лицо ,а пра МОВУ гэта свой чужой эти марсианин из российских не знают .я думаў трохі перабольшваць пра мат.там ма..еб..і усё
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Раман Пратасевіч асвоіў прафесію бармена і адшукаў працу. Вось у якім бары можна яго знайсці9

Раман Пратасевіч асвоіў прафесію бармена і адшукаў працу. Вось у якім бары можна яго знайсці

Усе навіны →
Усе навіны

У Беларусі падаражэюць новыя аўтамабілі, а выбар у дылераў стане больш сціплым. Што змяняецца1

«Прыязджаеш без офера — будзе цяжка». Айцішнік-сеньёр працуе ў швейцарскім банку. Вось як да гэтага ішоў7

Загінуў камандзір 155-й брыгады, вайскоўцаў якой абвінавачвалі ў забойствах жыхароў Бучы8

Стала вядома, па якім механізме спісваліся грошы з банкаўскіх картак беларусаў падчас маштабнага збою7

У Мінску прадаецца кватэра з рэальна ўнікальным відам з ванны8

На МТЗ працуюць 142 замежнікі з Бурундзі, Конга, Камеруна, Малі і Нігерыі15

Зноў да +30. Надвор'е на выходныя4

«Я ўжо развітвалася з мужам, баялася больш не пабачыцца». У беларускі ў 26 гадоў здарыўся інсульт13

Гісторыка, які працаваў у ваенкамаце ў Мастах, асудзілі па цэлым пакеце палітычных артыкулаў3

больш чытаных навін
больш лайканых навін

Раман Пратасевіч асвоіў прафесію бармена і адшукаў працу. Вось у якім бары можна яго знайсці9

Раман Пратасевіч асвоіў прафесію бармена і адшукаў працу. Вось у якім бары можна яго знайсці

Галоўнае
Усе навіны →

Заўвага:

 

 

 

 

Закрыць Паведаміць