Сёння ў Сеніцы пад Мінскам адкрывалі дом для супрацоўнікаў пракуратуры і суда. Ключы ад кватэр атрымалі 186 чалавек. Сярод прысутных была і пракурорка Валерыя Таратынка.
У мерапрыемстве ўзялі ўдзел старшыня Мінскага аблвыканкама Аляксандр Турчын, старшыня Вярхоўнага суда Валянцін Сукала і генпракурор Андрэй Швед.
«Нягледзячы на тое, што эканоміка Беларусі знаходзіцца ў досыць складаным становішчы з улікам санкцыйнай палітыкі, нягледзячы на каласальны ціск з усіх бакоў па розных напрамках, у нашай краіне заўсёды надавалі, надаюць і будуць надаваць увагу людзям, у тым ліку праваахоўнага блока. Гэта неабходна, каб праваахоўная сістэма працавала эфектыўна», — заўважыў сёння Андрэй Швед.
Выглядае на тое, што кватэру тут пабудавала і пракурорка Валерыя Таратынка, якая спрычынілася да некалькіх гучных палітычных справаў. Яна стаяла сярод работнікаў пракуратур і судоў, сабраных на ўрачыстасць. Жыллё, якое выдзяляюць спецыяльна для работнікаў, звычайна можна набыць на льготных умовах плацяжу.
28-гадовая Валерыя Таратынка, сярод іншага, была абвінаваўцай па справе мінчукоў, што пакінулі надпіс «Не забудзем» на тратуары на месцы гібелі Аляксандра Тарайкоўскага, а таксама на судзе наконт аплявухі прапагандысту Рыгору Азаронку. У некалькіх судовых справах яна была пацярпелай — ад каментарыяў.
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»2828
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»28
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары