Суд у Маскве завочна арыштаваў начальніка вайсковай разведкі Украіны Буданава
Лефортаўскі суд Масквы задаволіў хадайніцтва аб завочным арышце начальніка Галоўнага ўпраўлення разведкі Мінабароны Украіны Кірыла Буданава. Падставы — «абвінавачванне ў арганізацыі тэрактаў у Расіі».

Пра якія «тэракты» ідзе гаворка, не ўдакладняецца. Украінскія ўлады неаднаразова адмаўлялі датычнасць да здарэнняў у Расіі, у тым ліку да рэйду ў Бранскую вобласць і выбуху ў Пецярбургу, у выніку якога загінуў праваенны блогер Уладлен Татарскі.
Буданаву выстаўленае абвінавачванне ў тэракце, стварэнні тэрарыстычнай суполкі, незаконным абароце выбуховых рэчываў і зброі.
Крыніца ТАСС заявіла, што Буданаў «падазраецца ў датычнасці да тэракта на Керчанскім мосце» (выбух на Крымскім мосце адбыўся летась 8 кастрычніка).
Буданаў абвешчаны ў міжнародны вышук, адзначылі ў судзе.
Галоўны разведчык Украіны: Вясной на фронце наступіць пераломны момант
Буданаў: У акружэнні Пуціна ёсць агенты ўкраінскай разведкі310928
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць
Каментары