Летам плануецца здача некалькіх будыкаў інтэрната.
У Беларусі ў навучальным годзе 2023-2024 усіх іншагародніх студэнтаў забяспечаць месцамі ў інтэрнатах.
У прыватнасці, першы намеснік міністра адукацыі Аляксандр Бахановіч сёння растлумачыў, што ў Мінску з уводам у эксплуатацыю новых інтэрнатаў — маладзёжнага комплексу інтэрнатаў у мінскай Студэнцкай вёсцы на праспекце Дзяржынскага — плануюць цалкам вырашыць праблему забеспячэння месцамі ў інтэрнатах.
— Да лета будоўля павінна быць скончаная, з першага верасня туды заселяцца студэнты БДУІР і БДМУ, — растлумачыў Бахановіч падчас рэспубліканскага суботніка.
Ён расказаў, што ў Беларусі ў рэгіёнах забяспечанасць студэнтаў месцамі ў інтэрнатах складае 100%. У Мінску гэтая лічба ніжэйшая — каля 90%.
— З уводам гэтых інтэрнатаў у эксплуатацыю мы праблему вырашым цалкам. Усе іншагароднія студэнты, якія навучаюцца ў Мінску, будуць забяспечаны месцам у інтэрнаце, — падкрэсліў ён.
І ўдакладніў, што ў новых інтэрнатах створаны найбольш камфартабельныя ўмовы для жыцця: асобныя блокі з душавымі кабінамі, пакоі, дзе можна прыгатаваць ежу, месцы агульнага карыстання, дзе можна рыхтавацца да вучобы, а таксама шэраг іншых дапаможных памяшканняў для вольнага часу, мерапрыемстваў і навучання.
«На яго і дзяўчаты будуць па-іншаму глядзець». Вальфовіч хоча пачаць прызываць і студэнтаў
Каментары