Здароўе

Новыя лекі ад мігрэні могуць дапамагчы нават у самых складаных выпадках

У выпрабаванні прэпарат Atogepant, нядаўна зацверджаны ў ЗША, паспяхова прадухіляў мігрэнь у людзей, якія не рэагавалі на іншыя лекі.

галаўны боль, мігрэнь
Фота: vecteezy

На мігрэнь пакутуе, па розных даных, ад 7 да 10% жыхароў планеты; прычым у жанчын яна сустракаецца ў тры разы часцей, а спадчынны фактар ​​тут грае вялікую ролю. Галаўны боль пры мігрэні можа доўжыцца ад некалькіх гадзін да некалькіх дзён запар, а частымі спадарожнікамі могуць выступаць млоснасць і павышаная адчувальнасць да святла і гукаў.

Atogepant, нядаўна ўхвалены ў ЗША для дарослых пацыентаў з хранічнай мігрэнню, распрацаваны кампаніяй Abbvie і прадаецца пад гандлёвай маркай Qulipta. Гэта частка адносна новага класу лекаў ад мігрэні, якія называюцца інгібітарамі CGRP (calcitonin gene-related peptide ці пептыд, звязаны з генам кальцытаніну).

CGRP — гэта бялок, які грае ключавую ролю ў запуску і падтрыманні мігрэні і іншых хранічных тыпаў галаўнога болю. Таблеткі былі ўпершыню зацверджаныя амерыканскім рэгулятарам у 2021 годзе для прафілактыкі эпізадычных мігрэняў (ад 4 да 14 дзён на месяц).

У буйнамаштабных клінічных выпрабаваннях на пацыентах з эпізадычнымі мігрэнямі Atogepant прыкметна скараціў колькасць дзён з мігрэнню ў параўнанні з плацэба (прыкладна на два дні менш пры самых высокіх дозах). Гэтае новае даследаванне, у якім прынялі ўдзел каля 300 чалавек, разглядала ў прыватнасці выпадкі, калі пацыенты не рэагавалі на іншыя лекі. Прэпарат таксама выявіўся бяспечным і добра пераносіцца, прычым найбольш распаўсюджанымі пабочнымі эфектамі былі запор і млоснасць, якія закраналі да 10% пацыентаў.

Новыя вынікі павінны яшчэ быць апублікаваныя ў адным з рэцэнзаваных навуковых часопісаў, што з'яўляецца важнай часткай навуковага працэсу. Але амерыканскі рэгулятар ужо пагадзіўся пашырыць паказанні для прымянення прэпарату, дазволіўшы яго выкарыстанне для прафілактыкі як эпізадычных, так і хранічных мігрэняў (гэта мігрэні, на якія пацыенты пакутуюць 15 і больш дзён на месяц). Прэпарат будзе зацверджаны ў дозе 60 міліграмаў на суткі (найвышэйшая дазволеная дазіроўка) для тых, хто прымае яго для прафілактыкі хранічнай мігрэні.

Хоць Atogepant і іншыя CGRP-лекі сапраўды зрабілі крок наперад у лячэнні мігрэні, яны маюць высокую цану, адзначае Gizmodo. Без страхоўкі кошт таблетак можа сягаць вышэй за 1000 даляраў на месяц для тых, хто мае ў іх патрэбу, хоць некаторыя іншыя прэпараты CGRP каштуюць танней.

Чытайце таксама:

Даследаванні аспірыну выявілі новыя цікавыя факты

Галава баліць. Чаму і што рабіць?

Навукоўцы, якія выявілі першапрычыну мігрэні, атрымалі самую прэстыжную прэмію ў галіне нейрабіялогіі

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Амерыканскі авіяблогер: Літаральна кожны беларус, з кім я размаўляў пра палітыку, казаў, што Лукашэнка — абсалютны вар’ят7

Амерыканскі авіяблогер: Літаральна кожны беларус, з кім я размаўляў пра палітыку, казаў, што Лукашэнка — абсалютны вар’ят

Усе навіны →
Усе навіны

У Татарстане затрымалі «дыверсантаў» з дронамі. Аказалася, што гэта свае2

Археолагі настойваюць, каб у Беларусі забаранілі металашукальнікі4

У Літве ўрад аб'явіў бітву за ўраджай4

Трамп пагражае Пуціну «сур'ёзнымі наступствамі», калі той адмовіцца спыніць вайну пасля саміту на Алясцы11

«Белпол» паспрабуе зрабіць, каб у Германіі прыцягнулі да адказнасці бабруйскага садыста Шынвізэ15

У Беларусі ўжо зрабілі чатыры ўмацаваныя раёны3

У расійскім МЗС патлумачылі, з якой пазіцыяй Пуцін паедзе на Аляску5

У Польшчы трох беларусаў судзяць за падпалы гандлёвых цэнтраў4

На месцы Мінскага замчышча з'явіцца памятны знак3

больш чытаных навін
больш лайканых навін

Амерыканскі авіяблогер: Літаральна кожны беларус, з кім я размаўляў пра палітыку, казаў, што Лукашэнка — абсалютны вар’ят7

Амерыканскі авіяблогер: Літаральна кожны беларус, з кім я размаўляў пра палітыку, казаў, што Лукашэнка — абсалютны вар’ят

Галоўнае
Усе навіны →

Заўвага:

 

 

 

 

Закрыць Паведаміць