Абвінавачванымі па справе праходзяць тры топ-менеджары прадпрыемства.
Суд па справе аб карупцыі ў «Газпрам трансгаз Беларусь» пачаўся ў Мінску. Абвінавачванымі па справе праходзяць тры былыя топ-менеджары «Газпрам трансгаз Беларусь»: намеснік генеральнага дырэктара па вытворчасці Андрэй Шабан, начальнік вытворчага аддзела аўтаматызацыі Ігар Гедрановіч і начальнік аддзела канкурэнтных закупак філіяла «Упраўленне матэрыяльна-тэхнічнага забеспячэння і камплектацыі» Вадзім Дзямешка, піша БелТА.
Яны абвінавачваюцца ў тым, што, займаючы названыя пасады ў «Газпрам трансгаз Беларусь», з 2019 па 2022 год атрымлівалі хабары за садзейнічанне пры правядзенні конкурсных працэдур, заключэнні і выкананні дагавораў, а таксама мантажы абсталявання.
На лаве падсудных таксама знаходзіцца прадстаўнік аднаго з суб'ектаў гаспадарання Цімур Клюеў, якому інкрымінуецца даванне хабару абвінавачванаму Ігару Гедрановічу за забеспячэнне перамог у працэдурах закупак, заключэння і выканання дамоў з «Газпрам трансгаз Беларусь». Агульная сума хабараў склала больш за 208 тыс. рублёў, на стадыі папярэдняга расследавання на маёмасць абвінавачваных коштам звыш 5 млн рублёў накладзены арышт, імі выплачаны даход, атрыманы злачынным шляхам, у памеры больш за 88 тыс. рублёў.
Андрэю Шабану і Ігару Гедрановічу было выстаўлена абвінавачанне паводле ч. 3 арт. 430 (дзеянні, прадугледжаныя часткамі першай або другой гэтага артыкула, учыненыя асобай, раней судзімай за злачынствы, прадугледжаныя артыкуламі 430, 431 і 432 КК, альбо ў асабліва буйным памеры, альбо арганізаванай групай, альбо асобай, якая займае адказнае становішча), Вадзіму Дзямешку — паводле ч. 2 арт. 430 (атрыманне хабару паўторна, або шляхам вымагання, або групай асоб па папярэдняй змове, або ў буйным памеры), Цімуру Клюеву — паводле ч. 2 арт. 431 (даванне хабару паўторна, альбо ў буйным памеры, альбо з выкарыстаннем сваіх службовых паўнамоцтваў).
-
29‑гадовую мадэль і псіхолага з Гомеля асудзілі за палітыку. Меркавана, за Гаюна
-
Як улады Мінска зразумеюць, у каго жывуць незарэгістраваныя сабакі? Разлік на неабыякавых суседзяў
-
Беларуска прасіла блізкіх патроху перавозіць у Польшчу яе зберажэнні. А потым купіла кватэру — і банк заблакаваў 1 мільён злотых
Цяпер чытаюць
Беларуска кліча на вяселле зорку «Універа», які за вайну. Упрэгся ўвесь Threads7
Каментары