Abvinavačvanymi pa spravie prachodziać try top-mieniedžary pradpryjemstva.
Sud pa spravie ab karupcyi ŭ «Hazpram transhaz Biełaruś» pačaŭsia ŭ Minsku. Abvinavačvanymi pa spravie prachodziać try byłyja top-mieniedžary «Hazpram transhaz Biełaruś»: namieśnik hienieralnaha dyrektara pa vytvorčaści Andrej Šaban, načalnik vytvorčaha adździeła aŭtamatyzacyi Ihar Hiedranovič i načalnik adździeła kankurentnych zakupak filijała «Upraŭleńnie materyjalna-techničnaha zabieśpiačeńnia i kamplektacyi» Vadzim Dziamieška, piša BiełTA.
Jany abvinavačvajucca ŭ tym, što, zajmajučy nazvanyja pasady ŭ «Hazpram transhaz Biełaruś», z 2019 pa 2022 hod atrymlivali chabary za sadziejničańnie pry praviadzieńni konkursnych pracedur, zaklučeńni i vykanańni dahavoraŭ, a taksama mantažy abstalavańnia.
Na łavie padsudnych taksama znachodzicca pradstaŭnik adnaho z subjektaŭ haspadarańnia Cimur Klujeŭ, jakomu inkryminujecca davańnie chabaru abvinavačvanamu Iharu Hiedranoviču za zabieśpiačeńnie pieramoh u pracedurach zakupak, zaklučeńnia i vykanańnia damoŭ z «Hazpram transhaz Biełaruś». Ahulnaja suma chabaraŭ skłała bolš za 208 tys. rubloŭ, na stadyi papiaredniaha rasśledavańnia na majomaść abvinavačvanych koštam zvyš 5 młn rubloŭ nakładzieny aryšt, imi vypłačany dachod, atrymany złačynnym šlacham, u pamiery bolš za 88 tys. rubloŭ.
Andreju Šabanu i Iharu Hiedranoviču było vystaŭlena abvinavačańnie pavodle č. 3 art. 430 (dziejańni, praduhledžanyja častkami pieršaj abo druhoj hetaha artykuła, učynienyja asobaj, raniej sudzimaj za złačynstvy, praduhledžanyja artykułami 430, 431 i 432 KK, albo ŭ asabliva bujnym pamiery, albo arhanizavanaj hrupaj, albo asobaj, jakaja zajmaje adkaznaje stanovišča), Vadzimu Dziamiešku — pavodle č. 2 art. 430 (atrymańnie chabaru paŭtorna, abo šlacham vymahańnia, abo hrupaj asob pa papiaredniaj zmovie, abo ŭ bujnym pamiery), Cimuru Klujevu — pavodle č. 2 art. 431 (davańnie chabaru paŭtorna, albo ŭ bujnym pamiery, albo z vykarystańniem svaich słužbovych paŭnamoctvaŭ).
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi8
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary