Вайна88

Байцы Палка Каліноўскага хітрасцю выклікалі агонь расіян па іх жа пазіцыях

Байцы Палка Каліноўскага далі інтэрв'ю выданню Politico, у якім расказалі пра сябе і раней невядомыя сітуацыі на фронце. Прыводзім асноўнае.

Выданне Politico паразмаўляла з байцамі Палка Каліноўскага, якія падзяліліся сваімі гісторыямі і раней невядомымі дэталямі аб вайне ва Украіне. Адпаведны артыкул быў апублікаваны 3 мая.

Першым свой аповед пачаў беларускі ваяр Павел Шурмей (у мінулым вясляр-чэмпіён, які даў інтэрв'ю «Нашай Ніве»). Ён раскрыў падрабязнасці адной з нядаўніх баявых вылазак пад украінскім Бахмутам, дзе байцы Палка Каліноўскага хітрасцю прымусілі расіян знішчыць сваіх жа салдат.

«Пасля таго, як мы пераадолелі траншэю, наш камандзір прыкінуўся расійскім салдатам і выкарыстаў іх варожую радыёчастату для запыту іх жа артылерыйскага ўдару па пазіцыях расійскіх войскаў. І гэта спрацавала», — распавеў Павел выданню Politico.

Акрамя гэтага, Шурмей прызнаўся, што мог нядаўна загінуць, бо двойчы за бой трапляў пад танкавы абстрэл і быў кантужаны.

«Потым я ўстаў і паспрабаваў адысці. Я пачуў, як мяне нехта кліча, і адзін з хлопцаў пачаў накладваць жгут. Я тады падумаў: «Божа мой». Ніхто ніколі не гатовы атрымаць раненне. Толькі перажыўшы падобнае, можна зразумець, што гэта такое», — сказаў Павел.

Далей аповед працягнуў Алег Дашкевіч, яшчэ адзін баец Палка Каліноўскага, які адправіўся на дапамогу Украіне насуперак волі сваіх бацькоў. 

Хлопец паразважаў на тэму таго, дзеля чаго ён пайшоў на асабістыя ахвяры і навошта ён рызыкуе сваім уласным жыццём.

«Спачатку Украіна, затым Беларусь. Расія — гэта праблема нас усіх, бо яна кантралюе Беларусь, яна заняволіла яе народ. Таму трэба разам змагацца супраць Расіі, каб дапамагчы Беларусі», — мяркуе Алег.

Паводле яго слоў, расіяне праяўляюць асаблівую зацікаўленасць да беларускіх добраахвотнікаў і ўзмоцнена спрабуюць іх знішчыць.

У якасці прыкладу хлопец прыводзіць той факт, што байцы Палка Каліноўскага пазбягаюць размоў на беларускай мове па радыёсувязі, бо расіяне ўсяляк імкнуцца іх дастаць, калі дазнаюцца пра тое, што беларусы блізка.

Каментары8

  • mikola
    04.05.2023
    Malaicy adnak abmanvac bolei ni treba .
  • ром
    04.05.2023
    А з ким яны на Беларуси будут воевать? С армией? При гибели солдат… - это гражданская война.. не думаю что родственники погибших поддержат их убийц.
  • дочка Максима Дизайнера
    04.05.2023
    дык када буде крымнаш?
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Фатограф-агент Мішчук расказаў сваю версію таго, што адбылося7

Фатограф-агент Мішчук расказаў сваю версію таго, што адбылося

Усе навіны →
Усе навіны

«Ужо не ведаеш, куды звяртацца». Бацька Анжалікі Мельнікавай расказаў, што яму вядома пра дачку20

Настаўніца з Кобрына расчуліла тыкток відэа з лістамі ад бацькоў

Уводзяцца новыя правілы для аўтамабільных парковак2

«Калі позву адправілі памылкова, грамадзянін павінен гэта даказаць». У Гомелі ў міліцыю выклікаюць тых, хто не парушаў закон4

Сілавікі пагражаюць коміку Усовічу, які прыехаў адпачыць на Нарач6

Як у медуніверсітэтах вырасла колькасць мэтавікоў за апошнія гады — змены істотныя

Прэзідэнт Літвы пазбавіў палітыка, які нядаўна ездзіў у Мінск, дзяржаўнай узнагароды2

«Анёл» шукае чалавека, які знік больш чым чвэрць стагоддзя таму

Віцэ-прэм'еры атрымаюць дадатковыя паўнамоцтвы1

больш чытаных навін
больш лайканых навін

Фатограф-агент Мішчук расказаў сваю версію таго, што адбылося7

Фатограф-агент Мішчук расказаў сваю версію таго, што адбылося

Галоўнае
Усе навіны →

Заўвага:

 

 

 

 

Закрыць Паведаміць